ئەردوگان داوای زیندوکردنەوەی رێکەوتنێک لەبەشار ئەسەد دەکات

لەلایەن ستاندار Posted on 843 جار بینراوە 0 سەرنج
26991258-2920-40A3-B575-B0035EE00DEF

ستاندەر

لە میانەی وتارێکیدا ئەمرۆپێنجەشەم لەئەنقەرە “رەجەب تەیب ئەردوگان” داوای لەسوریا کرد رێکەوتنامەی ئەدەنە زیندووبکاتەوە کە لەساڵی ١٩٩٨ لەنێوان تورکیا و سوریادا ئەنجامدراوە بۆ لەناوبردنی پەکەکە لەسوریا و لوبنان و تورکیا، بەپێی ئەو رێکەوتنامەیە تورکیا بۆی هەیە ٥ کیلۆمەتر بچێتە ناو خاکی سوریاو و رێوشوێنی ئاسایشی پێ ویست بگرێتە بەر بۆ پاراستنی ئاسایشی نەتەوەیی.

ئەم وتانەی ئەردوگان دوای ئەوە دێت کە سەرۆکی روسیا” ڤلادمێر پۆتن” لەداڤۆس رایگەیاندبوو: پێ ویستە سوپای سوریا بگەرێتەوە رۆژهەڵاتی روباری فرات و ئەم ناوچانە بگەرێنەوە ژێر دەسەڵاتی حوکمەتی سوریا.

چاودێرانی سیاسی پێیان وایە ئەردوگان هەموو رێگایەک دەگرێتە بەر بۆ روبەروبوونەوەی پەکەکە و دۆزی کورد لەهەر شوێنێک کە هەبێت، چونکە پێشتر سەرۆکی تورکیا دژایەتی تەواوی بەشار ئەسەدی دەکرد و کەچی ئێستا داوای رێکەوتنی لێ دەکات.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *