ستاندەر
ئەگەرچی یەکێتی نیشتیمانی کوردستان پێشتر رایگەیاندووە تاکە کاندیدیان بۆ وەرگرتنی پۆستی پارێزگاری کەرکوک رزگار عەلیە کە پارتی پێی رازی نیە، شالاو عەلی عەسکەری ئەندامی سەرکردایەتی یەکێتی داوایەکی فەرمی ئاراستەی مەلبەندی کەرکوکی یەکێتی کردووە بۆ پشتیوانی کردنی بۆ بون بە پارێزگاری کەرکوک بەڵام لەلایەن مەلبەندەکەوە داواکاریەکە رەت کراوتەوە.
بەگوێرەی ئەو زانیارییانەی، کە ڕۆژنیوز لە عەلی قەڵایی، کارگێڕی مەڵبەندی دووی یەکێتی لە کەرکوک وەرگرتووە داواکارییەکەی شاڵاو عەلی عەسکەری بە زۆرینەی دەنگی ئەندامانی مەڵبەند ڕەتکراوەتەوە.
