دواین زانیاری لەسەر بەشداریکردنی کۆمەڵی ئیسلامی لە کابینەی نوێ

لەلایەن ستاندار Posted on 738 جار بینراوە 0 سەرنج
- سەرۆكوەزیرانی هەرێمی كوردستان، نێچیرڤان بارزانى سەردانی عەلی باپیر، ئەمیری كۆمەڵی ئیسلامی کرد.

هەولێر – AA

 پاشنیوەڕۆی ئەمڕۆ چوارشەممە، سەرۆكوەزیرانی هەرێمی كوردستان، نێچیرڤان بارزانى بۆ تاوتوێکردنى چەند پرسێکى وەک رووداوەکانى دواى ١٦ تشرینى یەکەم لە کەرکووک و ناوچە کێشە لەسەرەکان لەگەڵ ئەمیرى کۆمەڵەى ئیسلامى، عەلى باپیر کۆبوویەوە.

بە پێى زانیارییەکانى پەیامنێرى ئاژانسى ئانادۆڵو لە تەوەرەکانى کۆبوونەوەکەدا یەکخستنەوەى لایەنە سیاسییەکانى هەرێمى کوردستان و باشترکردنى بژێوى هاووڵاتییان و مووچەى فەرمانبەران باسیان لێوە کراوە.

کۆبوونەوەى سەرۆکوەزیرانى هەرێمى کوردستان، نێچیرڤان بارزانى لەگەڵ ئەمیرى کۆمەڵەى ئیسلامى، عەلى باپیر دوای راگەیەنراوەكەی وەزارەتی دەرەوەی ئەمریكا دێت كە رایگەیاندبوو واشنتۆن كار لەگەڵ سەرۆکوەزیران و جێگرەکەى دەكات و داوای لە لایەنە سیاسییەکانی کوردستان کرد پشتگیریی حکوومەت بکەن.

 ( Azad Muhammet - ئاژانسی ئانادۆڵو )

ستاندەر

بۆ بەشداریكردن لە كابینەی نوێی حكومەت، پارتی چاوەڕێی وەڵامی كۆمەڵی ئیسلامییە، كۆمەڵی ئیسلامیش چاوەڕێی ئەو حیزبەیە سەردانی بكات و گفتوگۆی راستەقینەیان لەگەڵدا ئەنجام بدات.

مەحمود محەمەد، وتەبێژی پارتی رایگەیاند: “سەردانی كۆمەڵی ئیسلامیمان كردووە، ئەوانیش سەردانی پارتییان كردووە، بابەتی بەشداریكردنیان لە حكومەت بە كراوەیی باسكردووەو ئەوەمان نیشاندا بەشداربن لە كابینەی حكومەت، بەڵام تائێستا وەڵامی پارتییان نەداوەتەوە”.

 

رێبوار حەمەد، وتەبێژی كۆمەڵی ئیسلامی بە ڕۆژنامەی زەمەنی ڕاگەیاند: “تائێستا بڕیاری بەشداریكردنی حكومەتمان نەداوە، پێویستمان بەوە بووە بەرچاوڕوونبین لە بەرنامەی حكومەت‌و پێكهێنەرەكانی، راستە پێشتر دوو كۆبوونەوەمان لەگەڵ پارتیدا هەبووە، بەڵام گفتوگۆی جدی لەسەر پێكهێنانی حكومەت نەكراوە، هەركاتێك گفتوگۆی جدی كراو تێگەیشتین، ئەوكاتە بڕیاری خۆمان بە بەشداریكردن یان نەكردن دەدەین”.

وتیشی: “ئەو دوو كۆبوونەوەیەی كراوە گفتوگۆ لەسەر پێكهێنانی حكومەت كراوە، بەڵام بابەتی سەرەكی هەردوو كۆبوونەوەكە پەیوەندییەكانی هەردوولا بووە، لەبەرئەوەی گفتوگۆی جدیی بۆ بەشداریكردنمان نەبووە، قسەمان لەسەر پۆست و بەركەوتەكانمان نە لە كۆبوونەوەكان نەلای خۆیشمان نەكردووە، ئەوەی لای ئێمە گرنگە ئەوەیە ئەم حكومەتە تاچەند ئیرادەی چاكسازیی‌و گۆڕانكاری هەیە لەو ڕوانگەیەشەوە بڕیار دەدەین”.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *