یەکێتی ناوەڕۆکی کۆبونەوەکەی ئەمڕۆی پارتی و یەکێتی ئاشکرادەکات

لەلایەن ستاندار Posted on 1231 جار بینراوە 0 سەرنج
YNK & PDK

ستاندەر

لەتیف شێخ عومەر ره‌تیده‌كاته‌وه‌ كه‌ له‌كۆبونه‌وه‌ی‌ ئه‌مرۆی‌ حزبه‌كه‌ی‌‌و پارتیدا باس له‌پشكه‌كانی‌ بزوتنه‌وه‌ی‌ گۆڕان كرابێت له‌حكومه‌تی‌ داهاتودا.

لەتیف شێخ عومەر وتەبێژی رەسمی یەکێتی نیشتمانی کوردستان له‌رونكردنه‌وه‌یه‌كدا باس له‌ناوه‌رۆكی‌ كۆبونه‌وه‌كه‌ ده‌كات‌و ده‌ڵێت، “لەكۆبونەوەی ئەمڕودا لەگەڵ مەكتەبی سیاسی پارتی، مەكتەبی سیاسی یەكێتی داوای شەراكەتی راستەقینەو ئالیەت‌و پێداویستیە عەمەلیەكانی جێبەجێكردنی كردووە. لەنێوانیشیاندا پشكەكانی یەكێتی لەپۆستەكانداو هەرگیز باس لەپشكی گۆڕان نەكراوە.”

ده‌قی‌ رونكردنه‌وه‌كه‌:

ئەمڕۆ لەهەندێك كەناڵی میدیا، هەواڵێكی ناڕاست ‌و بێ بنەما سەبارەت بەهەڵوێستی یەكێتی لەبارەی رێكەوتنی نێوان پارتی دیموكراتی كوردستان و بزتنەوەی گۆڕان‌و پشكی ئەو بزوتنەوەیە لە كابینەی ئایندەی حكومەتی هەرێمی كوردستان بڵاوكراوەتەوە.

بۆ دەرخستنی راستیەكان‌و رێگەگرتن لەهەر چەواشەكارییەك بەپێویستمانزانی ئەم روونكردنەوەیە بڵاوبكەینەوە:

1- لەگەڵ ئیمزاكردنی رێكەوتنی نێوان بزوتنەوەی گۆڕان‌و پارتی دا، یەكێتیی نیشتمانیی كوردستان پیرۆزبایی‌و خۆشحاڵی خۆی دەمودەست راگەیاندووە. ئەمڕۆیش لە كۆبونەوەی هەردوو مەكتەبی سیاسی یەكێتی‌و پارتیدا، سەرەڕای دووپاتكردنەوەی هەمان هەڵوێست ئەوەش بیری ئامادەبوان هێنرایەوە، كە یەكێتی پێش سێ‌ ساڵ داوای لە هەڤاڵانی پارتی كردووە، رێكەوتن لەگەڵ بزوتنەوەی گۆڕان ئەنجام بدەن.

2- لە كۆبونەوەی ئەمڕودا لەگەڵ مەكتەبی سیاسی پارتی، مەكتەبی سیاسی یەكێتی داوای شەراكەتی راستەقینە و ئالیەت‌و پێداویستیە عەمەلیەكانی جێبەجێكردنی كردووە. لەنێوانیشیاندا پشكەكانی یەكێتی لە پۆستەكاندا و هەرگیز باس لە پشكی گۆڕان نەكراوە.

3- سەبارەت بەپرسی دەستورو ئەو یاسایانەی كە ڕەهەندی نیشتمانیان هەیە، ئەمڕۆ مەكتەبی سیاسی یەكێتی جەختیكردۆتە سەر پرەنسیپی سازان لەنێوان هەموو لایەنەكان‌و پێكهاتنیان لەسەر ئەو پرسانە، لەگەڵ ئەوەشدا داوای بەشداری پێكردنی لایەنەكانی تریش لە كابینەی داهاتووی حكومەتی هەرێم.

لەتیف شێخ عومەر

وتەبێژی یەكێتیی نیشتمانیی كوردستان

12/3/2019

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *