ستاندەر
دوای ئەوەی یەکێتی ڕایگەیاند کە پێویستە نەوت ڕادەستی بەغدا بکرێت ئێستا زۆربەی حزبە کوردستانیەکان لەگەڵ ئەوەن کە مەلەفی نەوت ڕادەستی بەغدا بکرێت چونکە پێیان وایە کە فرۆشتنی نەوت بەشێوەیەکی سەربەخۆ تەنها تورکیا بەدەرەجە یەک و چەند کەس و بەرپرسێک کە بونەتە بازرگانی نەوت لێی سودمەند بوون و نەیان توانیوە بەشێوەیەکی باش ئیدارەی مەلەفی نەوت بدەن.
جێگای باسە لەسەروبەندی بڕیاری حکومەتی هەرێم بۆ فرۆشتنی نەوت بەشێوەیەکی سەربەخۆ زۆرێک لە چاودێر و ڕۆشنبیرانی نێوخۆیی و نێودەوڵەتیش ئەو هەنگاوەی حکومەتی هەرێمیان بە مەترسیدار وەسفکرد چونکە پێیان وابوو مەلەفی نەوت مەلەفێکی حەساسەو بەو گروپەی ئێستا ئیدارەی هەرێم دەدەن ئیدارە نادرێت، کە ئێستا بەهۆی فرۆشتنی نەوت بەشێوەیەکی سەربەخۆ لەلایەن هەرێمەوە، هەرێم نزیکی ۳۰ ملیار دۆلار قەرزارە.