ستاندەر
دوای ئەوەی كه‌مال كه‌ركوكی ئه‌ندامی مه‌كته‌بی سیاسی پارتی له‌لێدوانیكیدا بۆ ده‌نگی ئه‌مریكا ڕایگەیانبوو “ده‌بێت كه‌سایه‌تیه‌كی نیشتیمانپه‌روه‌ری كوردی كه‌ركوك، بكرێته پارێزگار واته نابێت نه یه‌كێتی و نه پارتیش بێت”،لە وەڵامی ئەو بەرپرسەی پارتی ڕه‌وه‌ند مه‌لا مه‌حمود جێگری لێپرسراوی مه‌ڵبه‌ندی كه‌ركوكی یه‌كێتیی ڕایگه‌یاند، “دیاره ئه‌و به‌رپرسه‌ی پارتی، یه‌كێتی نیشتیمانی و پارتی دیموكرات به‌نیشتیمانپه‌روه‌ر نازانێت، بۆیه پێمانوایه ئه‌و قسه‌یه‌ی له‌خۆیه‌وه كردوه‌و هیچ سه‌رچاوه‌یه‌كیشی بۆ قسه‌كه‌ی نییه”.
ڕاشیگەیاند، كه‌مال كه‌ركوكی پیاوێكه، قسه‌كانی هیچ گرنگیه‌كیان له‌سه‌رناكرێت و هه‌میشه له‌خۆیه‌وه قسه ده‌كات.
سەرچاوە :تۆڕی هەواڵی سلێمانی