ناوەندی تویژینەوەی ستراتیجی ستاندەر هەلسەنگاندنی بۆ ڕێوڕەسمی سەرۆكایەتی هەریم دەكات

لەلایەن ستاندار Posted on 2377 جار بینراوە 0 سەرنج
62196769_1971662869606041_478127059449675776_n

ستاندەر

ناوەندی تویژینەوەی ستراتیجی ستاندەر بە ووردی چاودیری ڕێو ڕەسمی قۆناغی نوێی سەرۆكی هەریمی كرد لە هۆلی سعد عبدالله، هەروەها لەزانیاری ووردی پیشووتری و لیكدانەوەكانی ئەو ناوەندە ئەو بەرەنجامانەی بۆ دەركەوت:

1- بەگشتی جۆریك لە تەبایی بەدی كرا لەسەر ئاستی ناوەخۆی كوردستانی و ئاستی عیراقیش ،ئەوەش گوزارشە لە سیاسەتی نوێی سەرۆكایەتی هەریم .

2- بە پیی ووتارەكەی سەرۆكی هەریمی نوێ كە تیایدا سوپاسی ئەوانەی كرد دەنگیان داوە یان نەیانداوە ،هەروەها سوپاسی حەشدی شەعبیشی كرد دیسان گوزارشە لە قۆناغیكی نوێی پەیوەندی ناوەخۆی و عیراقی جیا لەوەی پیشووتر .

3-لە ووتارەكانی سەركردە كوردەكان ناوی مافی چارەنوس و ریفراندۆم ودەولەتی كوردی بە تەواوی غایب بوو، جگە لەو ئاماژەیەی د بەرهەم سالح كە ووتی (رۆژهەلاتی ناوەراست ئارام نابیت تامافی كورد زامن نەبیت) ، ئەوە جگە لەوەی لێنەدانی مارشی ئەی رەقیب دەگوترێت بۆ دڵڕاگرتنی وەزیری دەرەوەی تورکیا بووە.

4-ئەوەی زۆر سەرنج راكیش بوو غیابی نیودەولەتی و رۆژئاواو ئەمریكا بوو لەبەرامبەریدا حزوری ئیقلیمی (توركی – ئیرانی -عیراقی)لێی بەهێز بوو ،ئەوەش نوقستانی گەورەو پیچەوانەیە ئەگەر سەرۆكی هەریمی داهاتوو بتوانێ بەرنامەی چارەی بۆ دابڕێژی بەهاوكاری هەمو لایەك وهاوكاری سەرۆك كۆماریش .

5- بەساردی پیشوازی لە حزبەكوردستانیەكان كرا ، ووتەیان نەبوو ،كەچی ووتە بۆ كەسیكی وەك (خمیس خنجر )هەبوو ، تەنها بەرهەم سالح ناوی مام جلال و نەوشیرەوان مستەفای هێناوە یاد .

6-پیدانی ووتە بەهەریەكە لە مسعودبارزانی (وەك یەكەم ووتە)و خمیس خنجر   دیسان ئەوە دووپات دەكاتەوە كە هیشتا روانگەی حزبی بەسەر پەرلەمان و دام ودەزگاكان زالە نەك ئەتەكیت و یاساو دامەزراوەیی و نەریتی دیپلۆماسی .

7- بەرنامەی كاری سەرۆكی هەریم ڕوون نەبوو ، زۆر ئینشائی و كلاسیكی بوو ، هەرچەندە لە ڕوە ڕۆمانسیەكەی ئەرینی بوو.

8- داكۆكی كردن لە (مەنزومەی ئیقلیمی ) و پیگەی كورد  لەلایەن بەرهەم سالح  بوار دەدا بە نیچیرڤان بارزانی وەك سەرۆكی هەریم لەو مەنزومەیە بئالێنرێت و جاریكی تر پیگەی كورد جولەی پیبكریتەوە بەرەو نیودەولەتی .

9- ئۆپۆزیسۆنی ڕاستەقینە دەركەوت لەكوردستان هەریەكە لە ئەمیری كۆمەلی ئیسلامی و سەرۆكی نەوەی نوێ بەشدار نەبوون، هەرچەندە کۆمەڵ لەسەر ئاستی فراکسیۆنەکەیان بەشداربوون.

10- هیشتا نەبوویتە گرنگی پیدانی میدیا جیهانیەكان ودام ودەزگاكانی تر ، ئەوەش دوو پاتی خالی (4)ی سەروو دەكاتەوە .

سەرەڕای ئەوانەش ئەگەر بوار بدریت واپیدەچی سەرۆكی هەریمی نوێ بیر لە قۆناغیكی نوێی پەیوەندی لەناوەخۆوعیراقی بكاتەوە ، بەلام قەیرانەكان زۆر سەختن ئەگەر بتوانی خۆی لە حزبایەتی داڕنی و جیگەی هەمو لایەك بكاتەوەو لایەنەكانیش یارمەتیدەری بن ئەگەری زۆرە هەندێ ئومید بگەڕێتەوە كوردستان .

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *