بارزانیەکان و حزبەکەیان و لێبوردەیی

لەلایەن ستاندار Posted on 390 جار بینراوە

لەتیف فاتیح فەرەج

پێش ئەوەی دەستبکەم بە نوسینی ئەم وتارە بە ڕێکەوت رۆژنامەی کوردستانی سەردەمی کۆمارە لە دار دراوەکەی مھابادم لە بەر دەست بوو ، لە ٢ی مارسی ١٩٤٦ و لە لاپەڕە ٤ لە ژێر ناوی “ئەخباری نێو خۆمان ” باسی گەیشتنی مەلامستەفاو بارزانیەکانی ھاوڕێی بە مھاباد دەکات ، کە سێ رۆژ پێشتر گەیشتون ، تەنانەت لە ھەواڵەکەدا باسی سەعاتی گەیشتنەکەش کراوە ” ساتی ٥ی پاش نیوەڕۆ واردی مھاباد بوون ” باسی پێشوازی گەرمی حزبی دیموکرات و دواتر پێشەوالەوان دەکات ، لە بارەی بارزانیەوە دەنوسێ ” پیاوێکی سیاسی و زەعیمێکی کوردی بارزانە ” ھەروەھا دەڵێ ” زاناو تێگەیشتوە موتەمەدن و نیشتمانپەرستە “لە ژمارەکانی تریشدا باسی سەردانی بارزانی بۆ شوێنەکانی مھابادو سەربازگەکان دەکات ، لە ژمارە ٣١لە لاپەڕەی یەکەمدا ھاشم خەلیل زادە لە سەر مەلامستەفا وەڵامێکی توندی رۆژنامەوانێکی تورک دەداتەوە .
ئەم بیر خستنەوەیەم بۆ ئەوەیە بڵێم ھەمیشە بارزانیەکان بە چاوی رێزەوە لە ھەر چوار پارچە ی کوردستانسەیریان کراوە ، کێشە لە خەڵکا نیە ئەگەر لێرەو لەوێ جیاوازیش ھەبووبێت ، کێشەکە لە بارزانیەکاندایە بە تایبەت قسەی ئێستای منلە سەر ھەردوو سەرۆکی ھەرێم و سەرۆکی حکومەتە ، دوو ئامۆزاکە ، ئاخۆ چۆن وڵات بەڕێوە دەبەن ، چۆن برینەکان ساڕێژدەکەن ، چۆن ئاشتی کۆمەڵایەتی و سیاسی دابین دەکەن ، قسە لەسەر ئەوەیە ئایە ئەوان دەبنە سەرۆکی ھەرێم و حکومەتی ھەموو کوردستانی باشور یان سەرۆکی ھەرێم و حکومەتی پارتەکەی خۆیان و یەک ناوچە ، ئەوان دەتوانن ھەمان ئەو خۆشەویستیەی خەڵکی مھاباد زندوو بکەنەوە لە سلێمانی وگەرمیان و کەرکوک و راپەڕین و ھەڵەبجەو شوێنەکانی تر ، یان ھەردریًژە بەو نادادیە دەدرێت و بیانوەکەش ئەوە دەبێت کە سلێمانی و گەرمیان و ھەڵەبجە لای ئەوان نیە .
دادگەری و بە یەک چاوڕوانینە خەڵک و ناوچەکان ئەرکی ئاکاری دوو ئامۆزاکەیە ، ناکرێت بودجەی قەزایەکی بادینان لە بودجەی قەزایەکی سلێمانی زیاتر بێت ، ناکرێت سەرۆکی ھەرێم و حکومەت چاویان بەس پارتیەکان و لە ناو پارتیەکانیشدا ئەوانەی لە بەر دڵانن ببینن و ئاگاداری ئەندامەکانی یەکێتی و گۆڕان و کۆمەڵ و یەکگرتوو ئەوانی تر نەبن ، زەوی و پارە بۆ پارتیەکان ھەبێت ، بۆ عەرەب و فڵان و فیسار ھەبێت ، بۆ ئەوانی حزبەکانی دیکە نا ، ناکرێت جیاوازی لە نێوان ھاونیشتمانیەکاندا بکرێت کە ئێستا بە بەربادی ھەیە ، ناکرێت دوو ئامۆزا ھەر لە خەمی ئەوانەدا بن کە ماستاویان بۆ دەکەن و پیایاندا ھەڵدەڵێن و پشت بکەنە ئەوانەی رەخنەیان لێدەگرن و دەیانگرێنن ، دۆست ئەوەیە بیانگرێنێ نەک ئەوەی ماستاویان بۆ دەکات .
ھەردوو سەرۆکی ھەرێم و حکومەت زۆر برین و کەلێن و کێشە ھەیە دەبێت چارەسەری بکەن ، دەبێت جۆنلۆکانە بیر لە لێبوردەیی بکەنەوە ، دەبێت وەک دھۆک سەیری سلێمانی بکەن ، وەک زاخۆ سەیری چەمچەماڵ ، وەک بارزان سەیری رزگاری ، ئەرکی ئەوانە ئارامی وئاسایش بۆ ھەموو لایەک دابین بکەن بەوانەشەوە کە رەخنەیان لێدەگرن ، بەوانەشەوە کە لە گەڵ ئەوان نین ، ئەرکی ئەوانەژیانی ھاونیشتمانیەکان بپارێزن ، داوای بوردن لە دایکی جگەر سوتاوەکان بکەن ، ئەرکی ئەوانە تەمبێی جنێو فرۆشەکانی نێو حزبەکەیان بکەن ، تاخەڵکی تر ناچاری توند و تیژی وەڵام دانەوە نەبێت ، ئەرکی ئەوانە خەباتی ناتوندو تیژی پەرە پێبدەن ، لە سەر خەباتی ناتوندو تیژی قسەی ترمان دەبێت .
دوا قسەشم بۆ ئەوانئەوەیە ئەوی بۆ پارە بە شان وباڵی ئەوانا ھەڵئەدات بە پارەی زیاتر بۆ دوژمنەکەی ئەوان سەما ئەکات .
بە قسەی عەلی عەونی و ئاراسی حەسۆ میرخانیش مەکەن جیاوازی دوو ڕووی نیە ، نەبادا ئەمە سەرەتای دیکتاتۆریەت بێت

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.