ستاندەر
لە شاری عامودای سەربە قامیشلۆی ڕۆژئاڤای کوردستان “کۆردبەندی نێودەوڵەتی لەبارەی داعش” بە میوانداری چەندین کەسایەتی ناوخۆیی و دەرەکی دەستی بە کارەکانی کرد.
ناوەدنی لێکۆڵینەوەی ستراتیژی ڕۆژئاڤا لە درێژەی کار و چالاکییەکانیدا، بە میوانداری چەندین کەسایەتی سیاسی و یاسایی و سەربازی ناوخۆیی و دەرەکی هەستا بە سازدانی “کۆربەنی نێودەوڵەتی لە بارەی داعش” بە ئامانجی ناساندنی تاوانەکانی داعش، کە خۆی دەبینییەوە لە پێشکەشکردنی زانیاری و داتا لەسەر تاوانەکان و نیشاندانی بەڵگە-فیلم و وەرگرتنی وتەی شایەتحاڵانی جەنگی دژ بە داعش.
هەروەها لە درێژەی کار و چالاکییەکاندا قوربانیانی دەستی داعش لە ڕێگەی نووسراوێکەوە کە ئاراستەی ئەو کۆڕبەندە و میوانەکانی کرابوو، داوایان کرد کە چەکدارانی داعش لە دادگایەکی نێودەوڵەتی سزا بدرێن.
ب.س