وتەبێژی پۆلیسی هەولێر : دکتۆر فەرهاد پیرباڵ دەستگیرکرا

لەلایەن ستاندار Posted on 479 جار بینراوە

ستاندەر

پۆلیسی هەولێر فەرهاد پیرباڵ-ی لە شوێنی مانەوە خۆی لە هەولێر دەستگیرکرد و ئاماژەشی بەوە کردووە کە لەسەر سکاڵای خاوەنی کتێبخانەی ماڵی وەفایی دەستگیرکراوە.

پێش نیوەڕۆی ئەمڕۆ بە هۆکاری سوتاندنی کتێبخانەی ماڵی وەفایی و سکاڵای خاوەنەکەی ، دکتۆر فەرهاد پیرباڵ نووسەر و ڕووناکبیر لە شوێنی مانەوەی خۆی لە پارکی شانەدەری شاری هەولێر دەستگیرکرا.

بەرەبەیانی ئەمڕۆ دکتۆر فەرهاد پیرباڵ لە ڕێگەی مۆبایلەکەیەوە لە تۆڕی کۆمەڵایەتی فەیسبووک لایڤێکی کردەوە و تێیدا کتێبخانەی ماڵی وەفایی دەسوتێنێت، وەک خۆی ئاماژەی پێ دەدات “چەندین جار ئاماژەی پێکردووە کتێبەکانی نابێت بە بێ پرسی ئەو چاپبکرێنەوە”.

هەروەها ئاماژە بەوە دەدات “خاوەنی کتێبخانەی ماڵی وەفایی بەبێ پرسی ئەو کتێبی ئەوی چاپکردووە و فرۆشتووە”.

دەشڵێت “لەبەرامبەر ئەوەی مافم خوراوە و کەس نییە بیگەڕێنێتەوە بۆ خۆم دەچم مافی خۆم وەردەگرم”

ئەمە لە کاتێکدایە فەرهاد پیرباڵ ڕۆژانە لە تۆڕی کۆمەڵایەتی فەیسبووک لایڤ دەکاتەوە بۆ هەوادارانی و تێیدا پەیامەکانی خۆی تێدا بڵاو دەکاتەوە.

ب.ئ

147201984 147201981 147201985 147201986 147201987 147201988

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.