ستاندەر
غالب محمد ئەندامی ئەنجومەنی نوێنەرانی عێراق ئاشکرای دەکات کە پارێزگاکانی هەرێمی کوردستان بەناوی ئاوارەکانەوە بە ملیۆنان لیتر نەوت و بەنزین لەبەغدا وەردەگرن، بەڵام کاتێک بەدواداچون دەکەی بۆ ئەو نەوت و بەنزینە دەبینی لەهەندێک پارێزگا هیچی بۆ ئاوارەکان سەرفنەکراوە یاخود بەشێکی کەمی سەرفکراوە و ئەوەی تری دیار نییە.
غالب محمد باس لەوەش دەکات کە ناکرێت بەنزین بە نرخی ٤٥۰ دینار لەبەغداوە بێت بەڵام لێرە بە ۷۰۰ دینار بەهاوڵاتیان بفرۆشرێتەوە، دەشڵێت ناکرێت بەنزین بە ٤٥۰ دینار بفرۆشرێتە کوڕە مەسولەکان لەکاتێکدا هەمان بەنزین بۆ هاوڵاتی هەژار بە ۷۰۰ دینار بێت.