ستاندەر
د. بەشیر حه‌داد جێگری دووەمی سەرۆکی ئەنجومەنی نوێنەرانی عێراق لەمیانی بەشداریکردنی لەبەرنامەی “چل خولەک” ـی کەناڵی سپێدە ڕایگەیاند ئەگەر بەغدا ئامادەبێت پارەی کۆمپانیاکان و ئەوقەرزانەی کە لەساڵانی ڕابردوو لەسەر هەرێم کەڵەکە بووە بگرێتە ئەستۆ و تەواوی مافەکانی کورد بدات ئەوا لەوکاتەدا هەرێم ئامادەیە مەلەفی نەوت ڕادەستی بەغدا بکات.
ناوبراو هۆکاری شکستهێنانی ڕێکەوتنەکانی ڕابردووی نێوان هەولێر و بەغدای گێڕایەوە بۆ پابەندنەبوونی بەغدا بە جێبەجێکردنی ئەرکەکانی بەرامبەر هەرێم و وتی ڕێککەوتنەکانی ڕابردووەی نێوان هەولێر و بەغدا بەهۆی ئەوەوە شکستیان هێناوە چونکە بەغدا ئەرکەکانی خۆی بەرامبەر هەرێم جێبەجێ نەکردووە.