ستاندەر
سەرلەئێوارەی ئەمڕۆ پەیامنێری ستاندەر لە ناحیەی قەسرێ پێی ڕاگەیاندین کە کاتژمێر حەوت و پازدە خولەکی ئەمشەو فڕۆکە جەنگیەکانی تورکیا بەچڕی گوندەکانی دۆڵی باڵەیانیان لە بناری قەندیل بۆردومانکرد.
پەیامنێرمان ڕایگەیاند کە فڕۆکەکانی تورکیا زیاتر لە نۆ جار هەردوو گوندی ڕەزوێکەو قەڵاتیان لە دۆڵی باڵەیان بۆردومانکردووە، بەو هۆیەشەوە زەرەرو زیانێکی زۆر بە خانوو و باخچە و ئۆتۆمبێلی هاوڵاتیان کەوتووە، بەڵام تاکو ئێستا زەرەرە گیانیەکانی بۆردومانەکە ئاشکرا نەکراوە.
ئەو بۆردومانەی سوپای تورکیا لەکاتێکدایە ڕۆژانە ئەو سنورە لەلایەن فڕۆکەکانی تورکیا چاودێری و بۆردومان دەکرێت و حکومەتی هەرێمیش لەبەرامبەر ئەو سنور بەزاندنەی تورکیا بێ هەڵوێستە.