حکومەتی عێراق: هەڵبژاردنی پێش وەختە قەیرانەکان قوڵتر دەکاتەوە

لەلایەن ستاندار Posted on 269 جار بینراوە 0 سەرنج
عێراق - AA

کۆمیسیۆنی باڵای مافەکانی مرۆڤ لە عێراق رایگەیاند، لە میانی خۆپیشاندانەکانی ئەمڕۆی شاری بەغدای پایتەخت و شارەکانی دیکەی عێراقدا، دوو خۆپیشاندەر کوژران و نزیکەی هەزاری دیکە لە هاووڵاتییان و هێزە ئەمنییەکان برینداربوون.

کۆمیسیۆنی باڵای مافەکانی مرۆڤ لە عێراق لە بەیاننامەیەکدا کە کۆپییەکی گەیشتووەتە ئاژانسی ئانادۆڵو تیایدا ئاماژە بەوە دراوە کە، دوو خۆپیشاندەر بەهۆی کاریگەری گازی فرمێسک رێژ گیانیان لەدەستداوە، هەروەها ژمارەی بریندارەکان لە پارێزگای بەغدا بەرزبووەتەوە بۆ ٩٦٦ کەس کە ٨٨٤یان لە خۆپیشاندەر و ٨٢یان لە هێزە ئەمنییەکاندان، هاوکات پێنج خۆپیشاندەر لە پارێزگای میسان و سێ خۆپیشاندەر لە پارێزگای موسەننا کە دوویان لە هێزە ئەمنییەکانن، برینداربوونە، بەمەش ژمارەی بریندارەکان گەیشتە ٩٧٤ کەس کە زۆربەیان بە کاریگەری گازی فرمێسک رێژ برینداربوونە.

بەپێی بەیاننامەکەی کۆمیسیۆنی باڵای مافەکانی مرۆڤ لە عێراق، خۆپیشاندەران ئاگریان لە بارگاکانی رەوتی تەیاری کۆن و رەوتی حیکمەی نیشتمانی و بزووتنەوەی بەشائیر و حزبی فەزیڵە و رێکخراوی بەدر لە پارێزگای موسەننا بەرداوە، هاوکات خۆپیشاندران ئاگریان لە بارەگای حزبی دەعوە لە پارێزگای واست، بەردا، هەروەها خۆپیشاندەران ئاگریان لە باڵەخانەی پارێزگای زیقار بەردا و گەمارۆی ماڵی پارێزگاری واستیان دا.

لە بەیاننامەکەدا ئاماژە بەوە دراوە کە هێزە ئەمنییەکان بۆ بڵاوەپێکردنی خۆپیشاندەران لە گۆڕپانی تەحریر لە بەغدا گوللـەی پلاستیکی و گازی فرمێسک رێژیان بەکارهێناوە. 

بەپێی بەیاننامەکە، هەزاران خۆپیشاندەر لەبەردەم باڵەخانەی پارێزگاکانی واست، نەجەف، دیوانییە، زیقار، میسان، بەسڕە و موسەننا گردبوونەتەوە و هێزە ئەمنییەکان رێگریان لێ دەکەن لە چوونە ژوورەوەیان بۆ ناو باڵەخانەکان.

ئەمڕۆ هەینی جارێکی دیکە خۆپیشاندانی ناڕەزایی لە بەغدای پایتەخت و چەند شارێکی دیکەی عێراق دەستی پێکردەوە و خۆپیشاندەران داوای دەستلەکارکێشانەوەی حکوومەت و چاکسازی لە سیستەمی سیاسی دەکەن. ( Murtadha Sudani - ئاژانسی ئانادۆڵو )

ستاندەر

سەعد حەدیسی وتەبێژی فەرمی حکومەتی عێراق لەمیانەی بەشداری کردنی لەبەرنامەیەکی کەناڵی سکای نیوسی عرەبی رایگەیاندوو: ئەنجامدانی هەڵبژاردنی پێش وەختە کەخواستی خۆپیشاندەرانە قەیرانەکان قوڵتر دەکاتەوە، حەدیسی دەشڵێت: ئەگەرچی ئێمە دژی ئەنجامدانی هەڵبژاردنی پێش وەختە نین، بەڵام ئەم بابەتە پێ ویستی بەمیکانیزم و دەسەڵاتی دەستور و پەرلەمان هەیە.

لەبارەی دەست لەکارکێشانەوەی حکومەت ” سەعد حەدیسی” رایگەیاندووە: ئەگەر بێت و حکومەتیش دەست لەکاربکێشێتەوە خۆپیشاندەران رازی ناکەت، و لەئەگەری دەست لەکارکێشانەوەی حکومەتیش حکومەت دەبێتە کار بەڕێکەر و ناتوانێت خواستی هاوڵاتیان و خۆپیشاندەران بەدیبهێنێت.

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *