ستاندەر
کەمێک پێش ئێستا شاندێکی حکومەتی هەرێم گەیشتە بەغدا، ئاوات شێخ جەناب وەزیری دارای و ئابوری و ئەندامی شاندەکە رایگەیاند: ئێمە هاتووین بۆ تاوتوێ کردنی پرسی بودجەی ساڵی ٢٠٢٠ی عێراق و پشکی هەرێم، ئاوات شێخ جەناب راشیگەیاندووە: دواى کۆبونەوەکان ئەنجامەکان دەردەکەون.
بەپێی زانیارییەکانی ستاندەر: شاندەکە لەگەڵ هەریەک لە” عادل عەبدولمەهدی” سەرۆک وەزیران و وەزیری دارای عێراق کۆدەبنەوە، شایەنی باسە پێشتر نوێنەری حکومەتی هەرێم لەبەغدا رایگەیاندبوو: تێگەیشتنی باش لەنێوان هەرێم و بەغدا دروست بووە بەمەبەستی ئەنجامدانی رێکەوتن لەسەر پرسی رادەستکردنی ئەو برە نەوتەی کە بەغدا بۆ هەرێم دیاری کردووە.