پارتی كاندیدەكانی بۆ بریكاری هەشت وەزارەت یەكلادەكاتەوە زانیاری لەو بارەیەوە بخوێنەوە

لەلایەن ستاندار Posted on 354 جار بینراوە

ستاندەر

پارتی ناوی كاندیدەكانی بۆ پۆستی بریكاری هەشت وەزارەت رادەستی سەرۆكی حكومەتی هەرێم دەكات كە بەشێكیان دووبارەن.

بەپێی زانیارییەكانی هەفتەنامەی باس كە لەسەر پارتی هەژمار دەكرێت. ئەمڕۆ سێ‌ شەممە لەراپۆرتێكی لەمبارەیەوە  بڵاوكردووەتەوە، دوای ماوەیەك لە پێكهێنانی حكومەت، پارتی پۆستی بریكاری وەزارەتەكانی بەركەوتەی خۆی یەكلاییكردووەتەوە و ناوەكانی رادەست بە مەسرور بارزانی، سەرۆكی حكومەتی هەرێمی كوردستان كردووە، كە پێكهاتوون لە هەر یەك لە (سەربەست لەزگین، بۆ بریكاری وەزارەتی پێشمەرگە، رابەر سدیق، بۆ بریكاری وەزارەتی دارایی، زاگرۆس فەتاح، بۆ بریكاری وەزارەتی پلاندانان، بەرەڤان حەمدی، بۆ بریكاری وەزارەتی كاروباری شەهیدان و ئەنفالكراوان، عەبدولفەتاح عەبدولڕەزاق بۆ بریكاری وەزارەتی خوێندنی باڵا، زەكیە سەید ساڵح، بۆ بریكاری وەزارەتی كاروكاروباری كۆمەڵایەتی و ئاگرین عەبدوڵا، بۆ بریكاری وەزارەتی ئاوەدانكردنەوەو نیشتەجێكردن، سالار عوسمان، بۆ بریكاری وەزارەتی رۆشنبیری.

جێی باسە گۆڕانیش پێشتر ناوی بریكارەكانی بۆ چوار وەزارەت یەكلاكردۆتەوە و ئەوەی ئێستا ماوە یەكێتی نیشتیمانی كوردستانە، كە دەگوترێت بەهۆی كۆنگرەوە پرۆسەكە دواكەوتووە.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.