ستاندەر
وتەبێژی حکومەتی عێراق “سەعد حەدیسی” بەرۆژنامەی سەباحی فەرمی عێراقی راگەیاندووە: ناردنی پرۆژەیاسای بودجەی ساڵی ٢٠٢٠ بۆ پەرلەمان روبەڕوی گرفت بۆتەوە، حەدیسی دەڵێت: کاتێک پرۆژە یاسایەکە تەواو بوو حکومەتی عێراق بوویە حکومەتێکی کاربەڕیکەر ئەمەش گرفتی دروست کردووە، وتەبێژەکەی حکومەتی عێراق دەشڵێت: ئەگەر ئەو گرفتە چارەسەر نەکرێت ناردنی پرۆژە یاسایەکە دوادەکەوێت بۆ حکومەتی نوێ ئەمەش بۆ ئێستای عێراق قوڕس دەبێت.
شایەنی باسە حکومەتی کاربەڕیکەر بەپێی دەستوری عێراق ناتوانێت یاسا دەربکات و واژۆ لەسەر گرێبەست و رێکەوتنە دەرەکییەکان بکات، بەڵام دەتوانێت کاروبارەکانی رۆژانەی خەڵک بەڕێ بکات.