ستاندەر
محەمەد توفیق عەلاوی کە یەکێکە لە کاندیدانی پۆستی سەرۆکوەزیرانی عێراق خۆی وەک کاندیدی خۆپیشاندەران دەناسێنێت،
محەمەد عەلاوی ئەمڕۆ لە ڕاگەیەندراوێکیدا کە بەشێک لە میدیا عێراقییەکان بڵاویان کردۆتەوە ئاشکرایدەکات، لە چەند ڕۆژی ڕابردوودا لەگەڵ نوێنەرانی خۆپیشانداران کۆبووەتەوە و تاوتوێی شێوەی حکومەتی ئایندەی عێراقی کردووە، بە وتەی خۆشی خۆپیشاندەران ئەویان پێی باشە و ڕازین کە پۆستی سەرۆکوەزیرانی عێراق وەربگرێت.
عەلاوی لە ڕاگەیەندراوەکەیدا ئاماژەی بە 11 خاڵ کردووە بۆ ئیداردانی حکومەتی ڕاگوزەری عێراق کە گرنگترینیان بریتین لە سنوردارکردنی دەسەڵاتەکانی هێزەکانی حەشدی شەعبی، پلانێکی ئابوری توکمە، هەموارکردنەوەی دەستور، ئەنجامدانی هەڵبژاردنێکی پاک و بێگەرد.