ستاندەر:
بەرهەم ساڵح سەرۆک کۆماری عێراق لەسەر داوای ئەمریکییەکان دەستی لەکارکێشاوەتەوە، ڕۆژنامەی یو ئێس تودەی چاپی ئەمڕۆ ٢٧ی دیسێمبەر لە پاشکۆی دووەمی خۆرھەڵاتی ناوەڕاست-دا، ڕاپۆرتێکی لە سەر دۆخی عێراق بڵاوکردۆتەوە، لەپەرەگرافێکدا ئاماژەی بە نامەی دەستلەکارکێشانەوەکەی بەرھەم ساڵح سەرۆک کۆماری عیراق کردووە و بە یارییەکی زیرەکانەی وەسفکردووە کە دوای داوایەکی ئەمریکا ئەم کارەی کردووە.
لەو بەشەدا ھاتووە کە دوای ئەوەی ھاوپەیمانی بنیاتنان، (ئەسعەد عیدانی) پارێزگاری پێشووی بەسرەی پاڵاوتووە بۆ سەرۆک وەزیران و ناردویەتی بۆ بەرھەم ساڵح، بەڵام ئەمریکییەکان، سەرۆکی عیراق – یان ئاگادارکردۆتەوە کە ڕازی نین بەو کاندیدە. ئەویش بۆ خۆدەربازکردن لەو دۆخە نامەیەکی دەستلەکارکێشانەوەی ئاراستەی پەرلەمان کردووە، نەک دەستی لەکارکێشابێتەوە.
ئامادەکردنی: لوقمان غەفور