علی باپیر پەیامێک بۆ ئەنجوومەنی باڵای سیاسیی‌و سەركردایەتیی گشتیی یەكێتیی دەنێرێت

لەلایەن ستاندار Posted on 349 جار بینراوە

ستاندەر

نیشتیمانیی كوردستان دەنێرێت، لەبەشێکی پەیامەکەیدا “مامۆستا علی باپیر”  ئاماژەی بەوەداوەکەوا یەكڕیزیی ‌و تۆكمەیی یەكێتی لەم هەلو مەرجەدا فاكتەرێكی گرنگی سەقامگیریی ئاشتیی‌و تەباییە لەهەرێم ‌و عێڕاقیشدا.

دەقی پەیامەکەی ئەمیری کۆمەڵی ئیسلامی:

بسم الله الرحمن الرحیم

بەڕێزان! ئەنجوومەنی باڵای سیاسیی‌و سەركردایەتیی گشتیی یەكێتیی نیشتیمانیی كوردستان
پاش سڵاو و ڕێز

خۆشحاڵین كە توانیتان كۆنگرەی چوارەمتان ببەستن لەبارودۆخێكی یەكجار هەستیارو دژواردا، كە هەرێم ‌و عێڕاق‌و ناوچەكەی پێدا ڕەت دەبێ‌ و، بێگومانیش یەكڕیزیی ‌و تۆكمەیی یەكێتی لەم هەلو مەرجەدا فاكتەرێكی گرنگی سەقامگیریی ئاشتیی‌و تەباییە لەهەرێم ‌و عێڕاقیشدا.

هیوادارین ئەو كۆنگرەیەتان ببێتە مایەی چاو پێداگێڕانەوەیەكی باشی سیاسەت ‌و كاری یەكێتییەكەتان، چ لەنێوخۆی حیزب‌و، چ پەیوەندییەكانی ‌و، چ شێوەی بەشداریی لەحوكمڕانییدا، لەسەر ئاستی هەرێم‌و عێڕاق.

ئومێدیشمان وایە پەیوەندیی دووقۆڵییمان لەجاران پتەوترو قووڵتربێ بۆ هاوكاریی‌ و پێكەوەكاركردنی زیاتر، لەپێناو ڕاستكردنەوەی باری لاری حوكمڕانیی لەهەرێمی كوردستان ‌و عێڕاقداو، چەسپاندنی هەرچی زیاتری دادگەریی‌و ڕیشەكێشكردنی ستەم ‌و پاوانخوازیی ‌و گەندەڵیی.

دڵسۆزتان عەلی باپـیـر
٣/٥/١٤٤١كـ
٢٩/١٢/٢٠١٩ز

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.