ستاندەر
جەواد کازم ڕەبیعاوی بەڕیوەبەری لەبەڕیوەبەرایەتی چالاکییەکانی حەشدی شەعبی بەماڵپەری فەرمی حەشدی شەعبی راگەیاندووە: لەئاکامی بۆردومانەکانی ئەمریکا بۆ سەر بارەگاکانی حیزب اللەی عێراقی و حەشدی شەعبی ١٩ کەس کوژراون و ٣٥ کەسی تریش بریندار بوون، بەگوتەی ئەو سەرکردەیەی حەشد بەشێک لەو چەکدارانەی گیانیان لەدەستدا، لەژێر شوێنە خاپور کراوەکاندان و دەرنەهێندراون، بەگوێرەی سەرچاوەیەکی تریش لەبۆردومانەکەی سوپای ئەمریکادا فەرماندەیەکی باڵای حەشد کوژراوە کە پێشتر ئەو فەرماندەیە هەڕەشەی لەسەرۆک کۆماری عێراق کردبوو.
شایەنی باسە شەوی ڕابردوو ئەمریکا چەند بنکە و بارەگایەکی حەشدی شەعبی و حیزب اللەی عێراقی بۆردومان کرد و وەزارەتی بەرگری ئەمریکاش دەڵێت بەردەوام دەبن لەبۆردومانکردنی بنکە و بارەگاکانی حەشد.