ستاندەر
لە ڕاگەیندراوێکدا کۆمکارى عەرەبی رایگەیاند، ناردنى هێزى سەربازى تورکیا بۆ لیبیا هه‌وڵدانه بۆ ئاڵۆزكردنی زیاتری كێشه‌كان و بره‌ودانه به‌و ململانێیه‌ی له ناوچه‌كه‌دا له ئارادایه.
لە ڕاگەیەندراوەکەدا هاتووە، کە كۆمكاری وڵاتانی عه‌ره‌ب دژی هه‌ر جۆره ده‌ستتێوه‌ردانێكی سه‌ربازی بیانییه له قه‌یرانی لیبیا و ئەو هەوڵانەش قبوڵ ناکات کە لەلایەن تورکیاوە دەدرێت بۆ ئالۆزکردنى دۆخی ئەو وڵاتە.
هەروەها کۆمکاری عەرەبی ڕاشیدەگەیەنێت،پشتیوانی چاره‌سه‌ری سیاسی بۆ قه‌یرانی لیبیا ده‌كات و نیگه‌رانیشه له‌و په‌ره‌سه‌ندنه مه‌ترسیدارانه‌ی له ره‌وشی لیبیا رووده‌ده‌ن.