ستاندەر
به‌گوێره‌ی پڕۆژه‌یاسایه‌ك كه بڕیاره ئه‌مڕۆ په‌رله‌مانی عێراق ده‌نگی له‌سه‌ر بدات، هێزه‌كانی ئه‌مریكا ناچار ده‌كرێن خاكی عێراق جێبهێڵن.
چوار خاڵی سه‌ره‌كی له‌نێو پڕۆژه‌یاساكه‌دایه ئه‌وانیش:
1/ پابه‌ندبوونی حكومه‌تی عێراق به‌وه‌ی سه‌رجه‌م هاوكارییه‌كانی هاوپه‌یمانی نێوده‌وڵه‌تی بۆ شه‌ڕی دژ به داعش ڕه‌تبكاته‌وه، هه‌روه‌ها حكومه‌ت كاربكات بۆ كۆتایهێنان به بوونی هه‌رجۆره هێزێكی سه‌ربازیی بیانی له عێراق، ئه‌وه جگه له قه‌ده‌غه‌كردنی ئاسمانی عێراق بۆ هه‌ر هۆكارێك، هاوكات ماوه‌یه‌كیش بۆ جێبه‌جێكردنی ئه‌و بڕیاره دیاریبكرێت.
2/ حكومه‌تی عێراق خۆی بڕیار له دیاریكردنی كه‌سانی هونه‌ریی و ڕاهێنه‌ری بواری سه‌ربازیی بدات به ژماره و ئه‌و شوێنانه‌ش كه پێویستی پێیانه، ده‌بێت ئامانجه‌كه‌یان دیاریكراو بێت و بۆ ماوه‌یه‌ك بێت.
3/ حكومه‌تی عێراق له‌ڕێگه‌ی وه‌زیری ده‌ره‌وه‌ی سكاڵای خۆی بگه‌یه‌نێته نه‌ته‌وه‌یه‌كگرتووه‌كان و ئه‌نجومه‌نی ئاسایش دژ به ئه‌مریكا، ئه‌ویش به‌هۆی پێشێلكارییه مه‌ترسیداره‌كانی بۆ سه‌ر خاكی عێراق.
4/ جێبه‌جێكردنی ته‌واوی ئه‌م بڕیارانه له واده‌ی ده‌نگدان له‌سه‌ریان له په‌رله‌مانی عێراق.
شارپرێس