ستاندەر
پەرلەمانتاری هاوپەیمانی فەتح فازڵ جابر بە تۆڕى هەواڵى عێراقی ڕاگەیاند، پشتیوانی هێزە كوردییەكان بۆ ئەوەی جارێكی تر متمانە بەعادل عەبدولمەهدی بدرێتەوە لەبەر ئەوەیە، كە ناوبراو لەهەموو سەرۆك وەزیرانەكانی تر چاکتر هەڵسوکەوتى لەگەڵ دەسەڵاتدارانی هەرێم كردووە. تاكە سەرۆك وەزیری عێراقە، كە كوردەكان لەگەڵی ئاسوودە بوون ، ئەویش لەبەر ئەوەی بەردەوام چاوپۆشی لە سەرپێچییەكانیان كردووە بەتایبەتی لە دۆسیەی نەوتدا. راگەیاندنی پشتگیری هێزە كوردییەكان دەچێتە خانەی خزمەتكردنی قازانجەکانی خۆیانەوە.