ستاندەر
دوای ئەوەی لە ڕۆژنامەی عەرەبی ” قریش” هەواڵی ئازادکرانی کۆمەڵێک “دیلی جەنگ”ی جەنگی نێوان عێراق و ئێران بڵاوکرایەوە، ماڵپەڕی ستاندەر لەسۆنگەی دڵخۆشی بە ئازادبوونی ئەو دیلانە هەواڵەکەی لای خۆیەوە بڵاوکردەوە، دواتر لەلایەن کۆمیتەی نێونەتەوەیی خاچی سور لە هەرێمی کوردستان پێمان ڕاگەینرا کە ئەو هەواڵە ڕاست نییە و هیچ دیلێک لەڕێگەی ئەوانەوە ئێران تەسلیمی عێراقی نەکردۆتەوە و لای خۆشیانەوە ڕونکردنەوەیەکیان بڵاوکردۆتەوە.
له هه‌واڵه‌كه‌دا ئه‌وه هاتبوو كه دیله‌كان له‌ڕێگه‌ی خاچی سوری نێوده‌وڵه‌تیه‌وه هێنراونه‌ته هه‌ولێر
لینكی ئه‌و هه‌واڵه‌ی له ڕۆژنامه عه‌ره‌بیه‌كه بڵاوكراوه‌ته‌وه
دەقی ڕونکردنەوەکەی كۆمیته‌ی خاچی سور:
ئاگادارییەك لە رێکخراوی کۆمیتەی نێونەتەویی خاچی سوورەوە
هەتا ئێستا هەندێك له لاپه‌ڕه‌كانی تۆڕه كۆمه‌ڵایه‌تیه‌كان بەردەوامن له بڵاوکردنەوەی ئەو هەواڵە كه كۆمیته‌ی نێونه‌ته‌وه‌یی خاچی سوور زانیاری و ناوی دیله‌كانی جه‌نگی عێراق و ئێرانی ده‌ست كه‌وتووه و داوای له خێزانه‌كانیان كردووه كه سه‌ردانی نوسینگه‌كانی كۆمیته‌ی نێونه‌ته‌وه‌یی خاچی سوور بكه‌ن به‌مه‌به‌ستی ده‌ستكه‌وتنی زانیاری له سه‌ر خزم و كه‌سه بێسه‌روشوێنه‌كانیان.
بۆ ئه‌م مه‌به‌سته، ده‌مانه‌وێت ئه‌وه ڕوون بكه‌ینه‌وه كه‌ئه‌م بڵاوكراوانه ڕاست نین و بێ بنه‌مان و كۆمیته‌ی نێونه‌ته‌وه‌یی خاچی سوور بڵاوی نه‌كردونه‌ته‌وه. و ئه‌گه‌ر كۆمیته‌ی نێونه‌ته‌وه‌یی خاچی سوور هه‌ر شتێك له‌م باره‌یه‌وه بڵاوبكاته‌وه ئه‌وا له پێگه‌ی فه‌رمی خۆی و له تۆڕه كۆمه‌ڵایه‌تیه‌كان بڵاوی ده‌كاته‌وه.
هه‌روه‌ها شایانی باسه كه دوا گروپی دیله‌كان كه ئاڵوگۆڕكراون له نێوان كۆماری عێراق و كۆماری ئیسلامی ئێران به‌چاودێری كۆمیته‌ی نێونه‌ته‌وه‌یی خاچی سوور له شوباتی 2003 ئه‌نجامدراوه.
و له كۆتایی دا كۆمیته‌ی نێونه‌ته‌وه‌یی خاچی سوور جه‌خت ده‌كاته‌وه كه بابه‌تی دیله‌كانی جه‌نگ له‌نێوان هه‌ردوو لایه‌نی عێراقی و ئێرانی به فه‌رمی له ساڵی 2011 له‌لایه‌ن حكومه‌تی هه‌ردوو لاوه داخراوه و هیچ دیلێكیان له‌لا نه‌ماوه.
ئەڤین یاسین گوتەبێژی فەرمی کۆمیتەی نێونەتەویی خاچی سوور لە هەرێمی کوردستانی عێراق