ستاندەر
محمد جەواد زەریف وەزیری دەرەوەی ئێران لەپێگەی تایبەتی خۆی لەتۆڕی کۆمەڵایەتی تویتەر رایگەیاندووە: تاران پێشوازی دەکات لەهەر گفتوگۆیەک لەگەڵ وڵاتانی کەنداو، جەوادزەریف دەشڵێت: ئامادەیمان تێدایە بۆ هەرکارێک کەلەبەرژەوەندی ناوچەکەدابێت، لەبەشێکی تری تویتەکەیدا زەریف ئاماژەی بە پێشوازی ئێران کردووە لەهەر هەنگاوێک کەببێتە هۆی ئارامی و سەقامگیری ناوچەکە.
وتەکانی جەواد زەریف بەهەنگاوێکی نوێی تاران دادەندرێت لەدوای کوشتنی سەردار قاسم سولەیمانی لەلایەن ئەمریکاوە و چاودێرانی سیاسیش پێیان وایە ئێران پاشەکشەی کردووە لەهەڕەشەکانی پێشوتری.