ستاندەر
باس لەناوی سێ کورد دەکرێت بۆ پڕکردنەوەی پشکەکانی کورد لە کابینەی نوێی حکومەتی عێراق.
بەپێی زانیاریەکانی کەناڵی ڕوداوو لەنێو کابینەی نوێی حکومەتی عێراق ناوی سێ کورد دەهێندرێت بۆ وەرگرتنی پۆستە وزاریەکانی کە بەر کورد کەوتوون کە بریتین لە عادل کەریم بۆ پۆستی وەزارەتی بازرگانی، شوان ئیبراهیم تەها بۆ پۆستی وەزارەتی دارایی و حاکم رزگار محەممەد ئەمین بۆ پۆستی وەزارەتی داد.
عادل کەریم پێشتر بریکاری وەزیری پیشەسازی عێراق بووە، شوان ئیبڕاهیم ئەزمونێکی زۆری لەبوواری دارایی هەیە و خاوەنی کۆمپانیای رابی سیکیۆریتییە و دەرچوی زانکۆی جۆرج واشنتنی ئەمریکایە، حاکم ڕزگار کە بۆ پۆستی وەزیری داد باسی لێوەدەکرێت یەکەم دادوەری دادگای باڵای تاوانەکانی عێراق بووە بۆ دادگایکردنی سەرانی ڕژێمی پێشووی عێراق.
