ستاندەر
بەگوێرەی ئەو زانیاریانەی كە ئاژانسی (جەریدەی كوێتی) ئەمرۆ یەكشەممە بڵاوی كردۆتەوە، فەیلەقی قودسی سەر بە سوپای پاسدارانی ئیران هۆشیداری داوە بە هێزە نزیكەكانی خۆی لە عێراق بەتایبەت حەشدی شەعبی لەبارەی ئەگەری روودانی كودەتای سەربازی.
بەگوێرەی رۆژنامەكە فەیلەقی قودس داوای كردووە هێزی لایەنە شیعیەكان لە ئامادەباشی دابن، ئاماژەی بەوەش كردووە ئەمریكا سەرقاڵ بوونی ئێرانی بە بڵاوبونەوەی كۆرۆنا قۆستۆتەوە و دەیەوێ لە رێی كودەتای سەربازی هەموو بەربەستەكانی بەردەمی بۆ دانانی سەرۆك وەزیرانی نوێی عێراق لاببات.
ئاماژە بۆ ئەوەش كراوە كە ئەمریكا لەسەر ئەو بابەتە قسەی لەگەل لایەنی كوردی و سوننی و لایەنە شیعیە نزیكەكان لە خۆی كردووە.