ستاندەر
لەدیدارێكدا كە ئەمرۆ یەكشەممە لە بەغدا بەرێوەچوو. عادل عەبدولمەهدی سەرۆك وەزیرانی كاربەرێكەری عێراق پێشوازی لە ماتیۆ تۆلەر بالوێزی ئەمریكا لە عێراق كردوە، لە دیدارەكە بالوێزی ئەمریكا پێشنیارێكی نوێی خستۆتە بەردەم سەرۆك وەزیرانی عێراق كە بریتیە لە گفتوگۆیەكی ستراتیژی نێوان ئەمریكا و عێراق لەسەر چەند مەلەفێك.
بەگوێرەی راگەیەنراوی نوسینگەی سەرۆك وەزیرانی عێراق مەلەفەكان تایبەت بوونە بە هەنگاوەكانی پێكهێنانی حكومەتی نوێ، هەروەها ستراتیژیەتی رووبەربونەوەی كۆرۆنا و پاراستنی ژیانی هاوڵاتیان، لەگەل چەند مەلەفێكی تر.
جێی باسە ئەمریكا و ئێران لەو كۆتاییانە بە چری هاتونەتە نێو گفتوگۆكانی پێكهێنانی حكومەتی نوێی عێراق