ستاندەر
کاروان گەزنەیی جێگری سەرۆکی لیژنەی پەیوەندیەکانی پەڕلەمانی کوردستان لە کۆنگرەیەکی ڕۆژنامەوانیدا ڕایگەیاند کە نامەیەکی بۆ نەتەوە یەکگرتووان ناردووە و سکاڵای یاسایی لەسەر ڕێبەر ئەحمەد وەزیری ناوخۆیی حکومەتی هەرێم تۆمار کردووە.
کاروان گەزنەیی وتیشی سکاڵاکەی لەسەر ئەو پێشنیارەی ڕێبەر ئەحمەد وەزیری ناوخۆ بووە کە پێشنیاری کردبوو ڕێکخراوی خێرخوازی بارزانی هاوکاریەکانی نەتەوە یەکگرتووەکان وەربگرێت و دابەشی بکات بەسەر کەمپی ئاوارەکان، ئەو پەڕلەمانتارە پێیوایە ئەمەی وەزیری ناوخۆ کردوویەتی بەکارهێنانی پێگەی دەوڵەتە بۆ بەرژەوەندی حزبی چونکە ڕێکخراوی خێرخوازی بارزانی ڕێکخراوێکی حزبییە.