ڕەشاد گەڵاڵی
هەر ڕووداوێك یاخود کارەساتێکی سروشتی یاخود مرۆیی بەپێی ڕەوتی زەمەن لەداهاتوودا دەبێتەوێردی سەر زمانی جەماوەرو تاکەکانی کۆمەڵگا ،ئەنفال ، هەڵەبجە ، کۆڕەو ، ڕووخانی ڕژێمی سەدام و سستمە بۆگەنەکەی دوای دەیان ساڵ تاکو ئێستا لەسەر زمانی خەڵکن و لەبیرناکرێن ، ڕۆژانێک بەندەو بەشێك لەهاوڕێیانی شارەکەم بیری ڕزگاری نەتەوەو نیشتمان و شارەکەمان مخموور ویستێکی بەدینە هاتووی لەمێژینەی گەنجێتی بێ پێچ و پەناو ئێستامان بوو کە لەدەست پێک نەخشەمان بۆکێشاو هەنگاوی پێویستمان بۆ ناو خۆشبەختانە ئاڕاستەی ئەرێنی بەجوانی بەخۆوەگرت ، لەنێو شاخ و پێدەشتەکاندا ویستگەلێک و کۆمەڵێ خەونی لەمێژینەی جوان لەبیرو هزرو لەنێوناخ و ڕۆحی هەر تاکێکماندا چەکەرەی کردببوو سەرەتای جوڵەو نەش ونماکردن و لەگەڕانی بەردەوام بوو بۆدۆزینەوەی شوێنێکی شیاو لای هەر تاکێکماندا ،
ئەوسا کۆی هەوڵ و خەونە جوانەکان ببوونەخۆراک بۆڕۆحی هەریەک لەهاوڕێیان بەشێکی تریان بەئاڕاستەی خۆ پەروەردەکردن بوو بەبیری جوان و گەشەپێدانی فکرو نێوی پیرۆزی ئازادی ودانەبڕانی نێوی مخموورو قەرەچووغی سەر کەش بوو لەم پڕۆسە چارە نوسسازەیەدا کەزەمەنێک بوو لای هەریەکە لەهەڤاڵانمان سەرچۆپی لێ گرتبووین ، مرۆڤ بەبێ بوونی خەون جەستەیەکی ساردو سڕو بێ سەرەلەژیاندا
مرۆڤ کەخەونی نەبێت شایەنی بەردەوام بوونی ژیانی نیەو نابێت بۆیەلەگەڵ گەورەبوونی تەمەن و ڕێگریەکان لەبەدیهێنانی خەونەکان و ویستەبەدینە هاتووەکان سەرکێشی وجوڵە دەست پێ دەکات لەگەڵ ڕەوتی خێرای ژیان و گۆڕانکارییە سیاسی ، نەتەوەیی ، کلتوری وفەرهەنگی و لەسەروی هەمووشیانەوە خەباتی دێموکراسی لەگەڵ هەموو ئەمانەدا خەونەکان گەورەدەبن و ئاڕاستەی تازە بەخۆوە دەگرن ، داپڵۆسین و داگیرکاری ، خەباتی بەرپەرچ دانەوەو هەربەپێوە شەهیدبوون ناسنامەی پیرۆزی کوڕانی بەجەرگ و دڵسۆزی ئەوشارە شەهیدستانەیە ، بەخشینی خوێن وزام باوەڕ نەبوون بەسنووری دەستکرد لەدەستپێکی هەنگاوی پیرۆزی کوڕانی شەرەکەمان بوو کەهەردووکاوەوفاقە مخمووری سەرقافڵەو ڕێ نیشاندەرو ڕابەرایەتی قۆناغەکەیان لەئەستۆگرتبوو ، هەمووئەمانەلەنێوئەم خوێند نگایە وەسیلەو کەرەسەیەکی خاو بوون بە ئاڕاستەی لەدایک بوونی سەرهەڵدان و ڕاپەڕینێکی تروگەشەکردنی ڕۆحی بەرگری و داکۆکی کردن لەدەستکەوتەکان و هەوڵدان بەئاڕاستەی دەسەبەر کردنی دەستکەوتی زیاتر بۆ گەل ونیشتمان وشارەخۆشەویستەکە مان ، لەکۆتادەڵێم شام شەکرە بەڵام نیشتمان و زێدی خۆم گەلێ شیرین تر پڕۆسەی ئازادی عێراق و هاتن و مانەوەی کوڕانی شار بۆماوەی چەندین ڕۆژ لەقەرەچووغ بە ئاڕاستەی ڕزگار کردنی شارەکە یان
گرێدانەوەو یەکخستنەوەی خەباتی نیشتمانی دوێنێی گەلەکەیان و تێکەڵاو کردنیان بووبەخەبات و تواناو خوێن و زام لەپێناو دەسەبەر کردنی ئازادی و سەرفرازبوونی جەماوەری شارەکەیان دوورلە ڕوانین و جیاوازیکردن لە ئایدیاو بیری سیاسی لەو شارە بێ کەس و فەرامۆشکراوەدا ، بۆیەدەڵێم سەڵڕۆژی ئازادکردنتان پیرۆز بێت جەماوەری شارە دڵگیروجوانەکەم مخموورەکەم .