ستاندەر
مستەفا كازمی كاندیدی راسپێنراو بۆ پێكهێنانی حكومەت بەردەوامە لە هەنگاوەكانی بۆ پێكهێنانی حكومەت.
بەگوێرەی زانیاری سەرچاوەكانی هەواڵ دوێنێ لە مالی هادی عامری سەركردەی هاوپەیمانی فەتح كۆبونەوەیەكی سەركردەكانی شیعە بەرێوەچوونە، كە تیایدا هەریەك لە عەمار حەكیم، نوری مالیكی، حەیدەر عەبادی، نوێنەری رەوتی سەدر، فالح فەیاز و مستەفا كازمی كاندیدی راسپێردراو بەشداریان تێدا كردووە، بەگوێرەی زانیاریەكان هەموو بەشدارانی كۆبونەوەكە لەسەر ئەوە كۆك بونە كە ئازادی هەلبژاردنی كاندید بۆ وەزارەتەكان بە مستەفا كازمی بدرێت.
هاوكات دوای كۆبونەوەیان لەگەل مستەفا كازمی هاوپەیمانی وەتەنیە سەر بە ئەیاد عەلاوی لە راگەیەنراوێكدا ئاماژەیان بەوە كرد كە لەسەرەتای مانگی رەمەزان كابینەی نوێی حكومەت دەستبەكار دەبێت.