ستاندەر
ئارێز عەبدوڵا ئەندامی ئەنجومەنی سەرکردایەتی یەکێتی نیشتیمانی کوردستان لە بەرنامەی تاوتووێی ئێن ئاڕ تی گووتی زانیاریم هەیە کە ناردنی ئەو هێزە لەوکاتەدا بۆ زینی وەرتێ ئەجیندایەکی مەترسیداری تورکیایە.
ئارێز عەبدوڵا گوتیشی لەدوای شەڕی ناوخۆوە یەکێتی سەرجەم سەنگەرەکانی شەڕی چۆڵکردووە بەڵام پارتی لەئێستاشدا لەهەوڵی دروستکردنی سەنگەری نوێیە و ئەمەش گومانی نەک تەنها لەلایەن یەکێتی بەڵکو گومانی لای هاوڵاتیانیش دروستکردووە.
هەروەها گوتی بیانوکانی ناردنی هێز بۆ زینی وەرتێ بێ بنەمان کە دەوترێ لەچوارچێوەی ڕوبەڕوبوونەوەی ڤایرۆسی کۆڕۆنا ناردراوە چونکە ئەو هێزانە لەو شوێنە خەریکی دروستکردنی ڕەبایەن.
ئەو ئەندامەی سەرکردایەتی گوتیشی ئایە پارتی ڕازیە کە هێزێکی هاوبەش بچێتە مێرگەسۆر نەک بارزان کە ئەوان هێز دەنێرنە زینی وەرتێ و ڕێگەش نادەن کۆمیتەیەکی یەکێتی لە کۆڕێ بکرێتەوە، گوتیشی زانیاریم هەیە کە ناردنی ئەو هێزە لەوکاتەدا ئەجیندایەکی مەترسیداری تورکیایە.