ستاندەر
لەراگەیەنراوێكی رۆژنامەوانی فراكسیۆنی گۆڕان لەپەرلەمانی كوردستان دژایەتی خۆی بۆ هەوڵی هەڵگرتنی پارێزبەندی لەسەر پەرلەمانتاران دەردەبرێت و داوادەكات ئەو برگە لەبەرنامەی كارهەڵبگیرێت.
لەراگەیەنراوەكە هاتووە لامانگرنگە لەبری هەلگرتنی پارێزبەندی لەسەر پەرلەمانتاران،داواكاریەكانمان بخرێتە بەرنامەی كار، كە دۆسیەی مووچە و نەوت و خاڵە سنوریەكانە و بەرپرسانی ئەنجومەنی وەزیران و وەزیرە پەیوەندیدارەكان ئامادەی دانیشتنی پەرلەمان بن.
جێی باسە بەگوێرەی سەرچاوەیەكی گۆڕان ئەگەر لەدانیشتنەكە دەنگ بۆ لێسەندنەوەی پارێزبەندی پەرلەمانتاران بدرێت، فراكسیۆنی گۆڕان دانیشتنی پەرلەمان بایكۆت دەكات.