ستاندەر
حکومەتی عێراق پێشنیازیان بۆ حکومەتی هەرێم کردووە کە ئەوان خۆیان بەپێی سیستەمی بایۆمەتری و لەڕێگەی بانکە حکومیەکانەوە مووچەی فەرمانبەرانی هەرێم دابەش بکەن.
بەپێی زانیاریەکانی شارپرێس حکومەتی عێراق پێشنیاری بۆ شاندی دانوستانکاری هەرێم کردووە کە حکومەتی عێراق خۆی لەڕێگەی بانکە حکومیەکانەوە مووچەی فەرمانبەرانی هەرێم بەپێی بایۆمەتری دابەش بکات، بەڵام ئەو پێشنیارە لەلایەن حکومەتی هەرێم ڕەتکراوەتەوەو داوای کردووە بەغدا مووچە و بودجەی هەرێم بنێرێت و ئەوان خۆیان دابەشی بکەن.