کورد بێ سەنگ بوو یان هێز بێ سەنگی کرد؟!

لەلایەن ستاندار Posted on 429 جار بینراوە

احمد سید عمر

نەتەوەی کورد چوارەمین نەتەوەی بێ دەوڵەتین لەرۆژ هەڵاتی ناوەراست، لەسەردەمی ئیمراتۆریەتەکان نەک تەنیا بێ بەشتان کردین لەمافەسەرەتایەکان ، بەڵکو خاک و ئاوەکەشتان داگیر کردین ، لەسەردەمی سەرمایە داری هەروا ، لەسەردەمی سۆسیالیزم بەهەمان شێوە لەسەرەدەمی ناسیۆنالیستی هەر بێ بەشتان کردین ، ئێستاش ئایدۆلۆژیەتی دینە هەژموونی ووڵاتانی ئەنتی کورد بەرێوە دەبەن ئەوەتا ئێران حاکمی دینیە ، عێراق بەهەمان شێوە ، لەتورکیا دەسەڵات حاکمی دینیە ، لەعێراق لەپاشایەتیەوە بۆ نەتەوە پەرستەکان بۆ بەعسی و دواتریش بۆ فیدرالیەت نەک رێگا خۆشکەر نەبوون بۆ سەلماندنی مافەکانمان،بەڵکو دوای 17ساڵ ئێمە هەمان داواکاری گفتوگۆکانی ساڵی 1983 مان هەیە !چ سیستەمێک تاقی بکەینەوە بۆ دەستەبەرکردنی مافەکانمان ؟ کەلتورێک دروست بووە لای هێزە شیعەکان پێدانی مافە رەواکانی کورد ، واتا زویر کردنی شەقامی شیعی و خیانەتە ئەمە چ فەرهەنگێکە؟!چۆن لەنێو ئەم عەقلیتە پر لەجیانەوەرە ماف بەدەست دێت ؟ تەنیا و تەنیا هاوسەنگی هێز ، تا ئەوکاتی هاوسەنگی هێز لەنێوان شیعە و سونە و کورد هەبوو کوردستان مافەکانی پارێزاو بوو تەنانەت سەرۆک وەزیران لەهەولێر بۆ شیعەکان دائەنرا ، بەڵام دوای تێک چوونی ئەم هاوسەنگییە بەتایبەتی دوای لێکەوتەکانی ریفراندۆم، هەمو خەبات پێکەوەی لەنێوان دۆستەکانی ئۆپۆزسیۆنی عێراقی دوێنی و پێشمەرگەکانی شاخ درزی تێکەوت جاران حەوت بۆ هەشت وەزارت و جێگری سەرۆک وەزیرانمان هەبوو ، ئێستا تەنیا سێ وەزارت ، لەدواین کابینەی بەسەرۆکایەتی کازمی هەرچەند کورد چاوی لەوەزارتی دارایی بوو ، بەڵام وەزارتی دەرەوەی پێ درا!

ئەوەی جێگای تێرامانە ، لەدوای سایکس بیکۆ لەساڵی 1916 ستراتیژێک بۆ کێشەی میللەتانی ژێر دەست نیە ، هەموو گرینگی پێدانێک ئەچێتەوە نێو ئەم سیستەمە سەرمایەداریە کە ووڵاتان هەیانە بۆ بەرگری کردن لەبەرژوەندیەکانیان ، بەڵام ستراتیژێکی بریار لێدراو هەبێ بۆ ئایندەی ئەم ووڵاتانە ، ئەوەی هەیە تەنیا قۆناغی گفتوگۆیە هیچ رێکەوتنێک نیە بۆ دارشتنەوەی نەخشەی ئەم ووڵاتانە ، کەواتە لەم قۆناغەدا مانەوە لەنێو عێراق شتێک نیە لەژێر خواستی خۆمان بێت ، بەڵام مانەوە بەم شێوەی ئێستا بەم فرەدەنگیە و پەرتەوازیە هەمیشە بەدەست هێنانی مافەکان قورستر ئەکات ، بۆ ئەوەی لەم قۆناغە دەر بچین ئەبێت تەنیا وتەنیا هاوسەنگی هێز بگەرێنینەوە گەر نا عەقلیەتی شەقامی شیعی و هێزە شیعەکان نەگەیشتووە راده ی ئەوەی هەمو مافە دەستووریەکان بەمافی کورد بزانێت کەپەنجا و پێنج مادەیە.
کورد ووتنی :ماف نادرێت ماف ئەسندرێت ، بەڵام بەخوێندنەوەی واقعی ئێستا پەیوەندی نێوان هێزە سیاسیەکان لەباشوور ئەم مافە بۆ حزب داوا ئەکرێت نەک بۆ نەتەوەیەکی مەزلوم لێکراو.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.