ستاندەر
جەعفەر شێخ مستەفا، جێگری سەرۆكی هەرێم لەبارەی بڵاوبونەوەی ڤایرۆسی كۆڕۆنا رایگەیاند، هه‌موو جیهان به‌هۆى مه‌ترسییە‌كانى كۆرۆناوه ده‌ناڵێنێت، “سه‌یره هه‌ندێك كه‌س بانگه‌شه‌ى ئه‌وه دەكەن گوایه ئه‌و ڤایرۆسه بوونى نییه، ڤایرۆسى كۆرۆنا سه‌دان هه‌زار كه‌سی كوشتوه ئیتر چۆن ده‌بێت خه‌ڵكى خۆپارێزى نه‌كات یان هه‌ندێك كه‌س خه‌ڵكى سارد بكه‌نه‌وە بۆ ئه‌وه‌ى خۆپارێزى نه‌كه‌ن؟”.
شێخ جەعفەر مستەفا لە لێدوانێكی بۆ باس نیوز وتیشی “ئه‌وانه‌ى خه‌ڵكى له مه‌ترسییه‌كانى كۆرۆنا سارد ده‌كه‌نه‌وه، كه‌سانى تێكده‌رن و به مرۆڤ حیساب ناكرێن، هه‌روه‌ها له‌و كه‌سانه‌ن كه گیانى خه‌ڵكیان به‌لاوه گرنگ نییه و له پێناو به‌رژه‌وه‌ندیی خۆیاندا ئاماده‌ن هه‌موو شتێك بكه‌ن”.