ستاندەر
بەرپرسێكی حكومەتی هەرێم چەند هەنگاوێكی تر لە چوارچێوەی یاسای چاكسازی بۆ چارەسەری كێشەی ئەو فەرمانبەرانەی كە پێیان دەوترێ بن دیوار ئاشكرادەكات.
د.عەبدولحەكیم خەسرەو، سكرتێری لیژنەی باڵای جێبەجێكردنی یاسای چاكسازی لە ئەنجوومەنی وەزیران، رایدەگەیەنێت: سبەینێ چوارشەممە 8-7-2020 قۆناخی دووەم و سێیەمی سیستەمی بایۆمەتری دەچێتە بواری جێبەجێكردنەوە.
دەشڵێت قۆناغی دووەم و سێیەمی سیستەمی بایۆمەتری سوودی زۆری دەبێت بۆ رێكخستنەوەی سیستەمی میلاكاتی وەزارەتەكان و رێكخستنەوە سیستەمی مووچە و نەهێشتنی ئەوەی پێدەگوترێ “بندیوار”.
د. عەبدولحەكیم خەسرەو دەشلێت بە سەرجەم دەرماڵەكانی فەرمانبەراندا دەچنەوە كە نزیكەی 24 جۆر دەرماڵە هەیە و 56%ی مووچە بۆ دەرماڵەكان دەڕوات. د.عەبدولحەكیم خەسرەو دەڵیت: “دەبێت پێداچوونەوە بە دەرماڵەکاندا بکرێت، بەڵام دەرماڵە جێگیرەكان دەستكاری ناكرێن”.