ناوەرۆكی دوو كۆبونەوەی داهاتووی پەرلەمانی كوردستان ئاشكرادەبێت

لەلایەن ستاندار Posted on 246 جار بینراوە

ستاندەر

مەم بورهان قانیع پەرلەمانتاری سەربەخۆ لە پەرلەمانی كوردستان رایدەگەیەنێت چاوەرێ دەكرێت تا كۆتایی هاتنی ئەو وەرزەی یاسادانان پەرلەمانی كوردستان تەنها دوو دانیشتنی تر ئەنجامبدات.

لەلێدوانێكی رۆژنامەوانی ناوبراو رایگەیاند،”واپێدەچێ ناوەڕاستی هەفتەی داهاتو، تا كۆتاییەكەی، تەنها دو دانیشتنی پەرلەمان بكرێن و ئیتر كۆتایی بەم وەرزەی دانیشتنەكانی پەرلەمان بهێنرێت و هیچ كام لە دانیشتنەكانیش تایبەت نابن بە 27 ملیار دۆلار قەرزەكەی حكومەتی هەرێم و هەروەها پرسی نایاسایی بڕینی موچەی موچەخۆرانی هەرێمی كوردستان لەلایەن حكومەتەوە.”

ئەو ئەندامەی پەرلەمانی كوردستان وتیشی،چاوەڕواندەكرێت دانیشتنەكانی پەرلەمان، تایبەتبن بە پرسەكانی لەشكركێشییەكانی توركیا بۆ ناو خاكی هەرێم، لەگەڵ پرسی تایبەت بە هەوڵەكانی حكومەت بۆ روبەروبونەوەی ڤایرۆسی “كۆرۆنا”، بە بەشداریی وەزیری تەندروستیی و پێدەچێ‌ قسەیەكیش لە ناوچە جێناكۆكەكان و سوتاندنی دەغڵ و ددانی جوتیاران لەو ناوچانەدا بكرێت.”

ناوبراو ئاماژەی بۆ ئەوە كرد لەدەرەوەی پەرلەمان ئیرادەیەك هەیە بۆ زیاتر لاوازكردنی پێگەی پەرلەمان.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.