هەستكردن بەئەخلاقی سیاسی و حەقیقەتێكی دیكەی تاڵ

كمال محمد

كاتێك حیزب و بنەماڵە توانای جێبەجێكردنی هیچ پرەنسیبێكی سیاسی وئەخلاقی و مرۆیی نەبوو بێ گومان تەواوی بوار و شانە ئەخلاقی و سیاسییەكانی بەتەواوەتی لەناو ئەبرێت ئیتر گەشتن بەم پلەیە هەرچی ناوێكی بۆ دابنێین لەروی نەبونی ئەخلاقی سیاسییەوە دروستەو دەشێت وەك ئەنجامێكی نەبونی ئەخلاقیش بیری لێ بكرێتەوە ئەگەر كردارەكانیان لە مێژەوە تا ڕۆژگاری ئەمڕۆمان هەڵبدرێنەوە،لە مێژودا كاتێك ویژدان و ئەخلاقی سیاسیان وون بوو دەیان كاری قێزەونیان ئەنجامداوە كە زۆر هیواشكێن بوە كاتێك مرۆڤ بیری لێ كردۆتەوە ئەمەشیان سەرەتای دابڕانیان بوە لە هەمو بەها مرۆیی و ئەخلاقی و سیاسی و نەتەوەییەكان هەمو ئەم كارانەشیان تەنها لەبەر ئەوە بوە كە چۆن خۆیان بگەیەننە دۆخێك كە دۆگماییان بۆ دەزگا هەواڵگرییەكان سودبەخش بێت بۆیان لەروی دەسەڵاتی بەروی و خێڵەكییان بێ گومان هەمو ئەمانەشیان لەسەر حسابی هاو زمانەكانیان بوە ،

لە مێژە تا ئێستا چەندین بەڵگە لەبەردەستن كە هەرێمی باشور هیچ پێگەو لانكەیەكی ئارام و ئەمین نەبوە بۆ كوردانی پارچەكانی دیكە چونكە ئاسمانی ئەم پارچەیە بە غەزەب و نەفرین و سزادانی ئەوانە كۆتایی هاتوە كە ئەوێ ڕۆژێ لە پارچەكانی دیكەی كوردستاندا كارو چالاكیان هەبوەو كاریان بۆ پاراستن و بەرەو پێشخستنی شكۆمەندترین ناسنامەی نەتەوەكەی خۆیان كردوە كە كورد و كوردبوونە ،

ئەخلاق گوزارشت لە باشترین شێوازی ئەنجامدانی سەرجەم چالاكییە كۆمەڵایەتییەكان ئەكات بۆنمونە وەك چۆن ئایین و ئابوری ئەخلاقییە بەلایەنە دیموكراسییەكەش راستەوخۆ خودی سیاسەت ئەخلاقە ،بۆیە هەر لە سەرەتاوە ئەخلاق بابەتێكی ژیانییە چ بۆ سیاسەت و چ بۆ كۆمەڵگای سیاسی و حیزب و دەسەڵاتیش چونكە لە ڕەوشێكی وەهادا دیموكراسی رەسەن و ئەخلاقی رەسەنیش یەكسان ئەبن ،

ڕادەستكردنی كچە شەرڤانێكی هاو نەتەوەیی و بنیشتمانپەروەر بە وڵاتی توركیا لەم ساتەداو لە خاكی هەرێمەوە نەك ناتەواوی و كورتهێنانی ئەخلاقی سیاسی و بەها مرۆییەكانە بەڵكو ئەتوانین وەك فشارو چەوسانەوە و سەپاندنی ستەمكارییەكی دیكەی دابنێن بەدەستی كورد كە لەسەرهاوزمان و نەتەوەكەی خۆی جێبەجێی ئەكات ئەمەش ئەو سیاسەت و بیركردنەوە خێڵەكییەیە كە مۆڕاڵ لە جێبەجێكردنیدا پەیڕەو ناكرێت و لێی دابڕێنراوەو زەوتكراوە ،بۆیە ئیتر ئەوە درۆیەكی گەورەیە هەرێمی باشور لانكەیەكی ئارام بێت بۆ كوردانی هەر چوار پارچە چونكە راستییە كردارییەكانی حیزبەكانی باشور لە مێژە ئەو خاڵەیان سەلماندوە ،

چەندە لە ڕیشەی كارو سیاسەتی ئەم حیزبانە بكۆڵدرێت بەردەوام ستەمكاری و چەوسانەوەو هێزی كارپێكردنی تاڵانكاری و بەدەستەوەدانی شۆڕشگێڕە هاوزمانەكانی خۆیان و تیرۆركردنیان لەژێردا دەردەكەوێت پێویستی لەبیری نەكەین كە ئەم دەستەواژانە شەڕ و ستەم و گەڕانەوەی خاوەندارێتیان بۆ دەزگا هەواڵگرییەكان هەرە زێدە ماهییەتی ئەو هێزانە پیشان ئەدات كە بێ بە شكراون لە بوێری و بەخشندەیی و هیواو ئاشتی و توانەوەو میهرەبانی و بەیەكتر گەشتنیان كە بتوانێت مەیلی پیشاندانیان هەبێت لە مێژودا ،

ڕادەستكردنی كچە شەرڤانی ڕۆژئاوا و برازای سالح موسلیم لەم ساتەدا ڕوداوێكی نائومێدانەیە و مایە پوچ نەكردنی ئەو هەوڵانەی دوژمنانی كوردە كە بەدرێژایی مێژوو لەهەوڵدان زیاتر كەلێنی نێوان كوردان ئاوەڵا بكەن لەكۆتاییدا ئەمەوێ ڕاشكاوانە بیڵێم ئەوەی بیەوێ راست بێت و ڕاستی ببینێت نیگەرانە سەبارەت بەو لێدوانانەی دەسەڵاتدارانی هەرێم چونكە ئەم لێدوانانە پەیوەندی نێوان خودی دەسەڵات و پۆلیتیكا ”سیاسەت” زیاتر شاراوەو نادیارتر ئەكات .

وەڵامێک بنووسە هەڵوەشاندنەوەی وەڵام