ستاندەر
پەرلەمانتارێكی پێشووی یەكێتی رایدەگەیەنێت هەوڵی ئینقلابی پارتی و گۆڕان شكستی هێنا و پارتیش وەك كەمەنەتەوەییەكان سەیری گۆڕان دەكات.
زانا عه‌بدولڕه‌حمان، ئه‌ندامى خولى پێشوى په‌رله‌مانى کوردستان له فراکسۆنى یه‌کێتى له نوسینێکدا له فەیسبووك ئاماژەی بۆ ئەوە كردووە “یه‌که‌م هه‌وڵى پارتى و گۆڕان بۆ بڕینى قوتى خه‌ڵک و ئینقیلابکردن به‌سه‌ر په‌رله‌مان شکستیهێنا، به‌داخه‌وه پارتى وه‌ک که‌مینه‌کان سه‌یرى گۆڕان ده‌کات به‌بێ پرسکردن ده‌یانخاته ناو ئه‌جێنداى خۆیه‌وه”.
دەشلێت، ” ئه‌مڕۆ بۆ دواخستنى کۆبونه‌وه‌ى په‌رله‌مان هیچ راوێژێکى له‌گه‌ڵ نه‌کردن، له‌کاتێکدا وه‌زیره‌کانى گۆڕان به‌قاته‌وه خۆیان ئاماده‌کردبوو بۆ کۆبونه‌وه‌ى په‌رله‌مان تا بیناى په‌رله‌مانیش نه‌یازانیبوو کۆبونه‌وه‌که داواخراوه”.