“ئەگەر هەیە لە 90%ی ئەوانەی بەهۆی كۆڕۆنا لەنەخۆشخانەن گیان لەدەست بدەن”

ستاندەر

بەرێوەبەری نەخۆشخانەی رزگاری لە شاری هەولێر رایدەگەیەنێت ئێمە دوو هەفتە لە دوای سلێمانییەوەین لەڕووی دۆخی كۆرۆناوە، چونكە دۆخەكە لەهەڵكشاندایە و بەرەو خراپتر دەچێت، دەشلێت “من وەكو پزیشكێك و بەڕێوەبەری نەخۆشخانە دەزانم چەند نەخۆش هەیەو ئەگەر هەیە لە 90% گیان لەدەست بدەن، چونكە ئێستا لەژێر چاودێری چڕدان.

لاوەند سەردار، بەرێوەبەری نەخۆشخانەی رزگاری لە دیدارێكی دەنگی ئەمریكا وتیشی :”هیچ نەخۆشێكمان بەهۆی نەمانی ئۆكسجین گیانی لەدەست نەداوە، بەڵام ئێمە ڕۆژانە نەخۆش-مان دەمرێت بەهۆی نەخۆشی كۆرۆناوە نەك بەهۆی نەمانی ئۆكسجینەوە”.

بەڕێوەبەری نەخۆشخانەی ڕزگاری لەبارەی نەمانی ئۆكسجین وتیشی: ئۆكسجین لەكارگە درەنگ هات بۆمان نەك بڵێین نەماوە، ئێمە مەوعیدمان كاتژمێر 6 ی بەیانی بوو بگات، بەڵام كاتژمێر 9ی بەیانی گەیشت لەكارگە كێشەهەبوو.