ستاندەر
دوای ئەوەی جۆ بایدن كاندیدی دیموكراتەكان بۆ پۆستی سەرۆكایەتی ئەمریكا لەوتەكانیدا ڕۆژی (شەممە)ی ڕابردوو، هێرشێكی توندی كردە سەر توركیا و ئەردۆگانی بەستەمكار ناوبرد و ئیدانەی سیاسەتەكانی بەرامبەر كورد كرد و داوای پاڵپشتیكردنی هێزە ئۆپۆزسیۆنەكانی لەدژی سەرۆكی توركیا كرد.
لەبەرامبەردا ئەو وتارە توڕەیی توركیای بەدوای خۆیدا هێناوە، لەو چوارچێوەیە ئیبراهیم كاڵن وتەبێژی سەرۆكایەتی توركیا ڕایگەیاند، شرۆڤەكەی جۆ بایدن بۆ توركیا پشتی بەنەزانیی و لوتبەرزی و دووڕوویی بەستووە .
راشیگەیاند”ئەو زەمەنە تێپەڕی كە توركیا فەرمانی لەدەرەوە بەسەردا بكرێت، گەر لەو باوەڕەدایت كە دەتوانیت ئەوە بكەیت، فەرموو تاقی بكەرەوە، باجەكەشی دەدەیت”.