ستاندەر
سەرۆكی فراكسیۆنی یەكگرتووی ئیسلامی كوردستان لە پەرلەمانی كوردستان لەبارەی بڕینی 21%ی مووچەی فەرمانبەران رایگەیاند دوو مانگە بێگەڕانەوە بۆ پەرلەمان موچەی فەرمانبەرانی هەرێم بڕدراوەو لەسەر ئەو پرسە بانگهێشتی سەرۆكی ئەنجومەنی وەزیرانی هەرێم دەكەین.
د.شێركۆ جەودەت سەرۆكی فراكسیۆنی یەكگرتووی ئیسلامی كوردستان لە پەرلەمانی كوردستان بە میدیای فەرمی حیزبەكەی ڕاگەیاندوە: فراكسیۆنی یەكگرتووی ئیسلامی كوردستان لەگەڵ فراكسیۆنی كۆمەڵ و چەند پەرلەمانتارێكی دیكەی پەرلەمانی كوردستان خەریكی كۆكردنەوەی واژۆن بۆ بانگهێشتكردنی سەرۆكی ئەنجومەنی وەزیرانی هەرێمی كوردستان.
ئەوەشی وت: هۆكاری بانگهێشتەكە بۆ لێپرسینەوەیە لە بابەتی لێبڕینی موچەی فەرمانبەران، كە ئەمە دوو مانگە بێگەڕانەوە بۆ پەرلەمان موچەی فەرمانبەرانی هەرێم بەڕێژەی ۲۱% دەبڕدرێت.