ستاندەر
کۆمسیۆنی مافەکانی مرۆڤ لەعێراق لە پەراوێزی خۆپیشاندانەكانی هەرێم نیگەرانی خۆی لەبارەی خۆپیشاندانەکانی هەرێمی کوردستان نیشاندا و داوای لە هێزە ئەمنییەکانی هەرێم کرد دانبەخۆیاندا بگرن و مافی خۆپیشاندەران پێشیڵ نەکەن ژیانی خۆپیشاندەران بپارێزن.
لە راگەنراوێكدا كۆمسیۆنی مافەكانی مرۆڤ لە عێراق لەبارەی سوتاندنی مولكی گشتی رایگەیاندووە پیویستە خۆپیشاندەران پارێزگاری لە موڵکی گشتی بکەن وپابەندی خۆپیشاندانی ئاشتیانە بن.
ئاماژەی بۆ ئەوەش كردووە “کۆمسیۆنی مافەکانی مرۆڤ لە عێراق جەخت لە مافی خۆپیشاندانی ئاشتیانە دەکاتەوە کە لە دەستوری عێراقدا گەڵاڵە کراوە و لە هەمانکاتیشدا داوا لە حکومەتی هەرێمی کوردستان دەکەین گوێڕایەڵی داواکارییەکانی خۆپیشاندەران بێت و مافە ڕەواکانیان لە بنبڕکردنی بێکاری، باشترکردنی گوزەرانیان وخەرجکردنی موچەی فەرمانباران جێبەجێ بکات”.