ستاندەر
كۆمسیۆنی باڵای سەربەخۆی هەڵبژاردنەكانی عێراق ستایشی هەڵوێستی عەلی سیستانی مەرجەعی باڵای شیعەكان دەكات كە پاڵپشتی ئەنجامدانی هەڵبژاردنەكان دەكات بەشێوەی پاك و دوور لە دەستێوەردان.
لە راگەیەنراوێكدا كۆمسیۆنی باڵای سەربەخۆی هەڵبژاردن بۆ ئەنجامدانی هەڵبژاردنەكان لە مانگی حوزەیرانی داهاتوو، پێنج سەرج دیاری دەكات، كە بریتین لەوانەی خوارەوە:
یەكەم: پێویسە یاسای هەڵبژاردنەكان لە پەرلەمان پەسەند بكرێت و لە رۆژنامەی فەرمی بڵاوبكرێتەوە.
دووەم: پێویستە پەرلەمان هەمواری یاسای دادگای ئیتیحادی تەواو بكات، چونكە تاكە لایەنە بەرپرسیار بێت لە پەسەند كردنی ئەنجامی هەڵبژاردنەكان.
سێ یەم: پێویستە حكومەتی عێراق، بودجەی پێویست بۆ ئەنجامدانی هەلبژاردن تەرخان بكات لەگەل دابینكردنی پێویستیەكانی تر.
چوارەم: پێویستە ئەنجومەنی وەزیران ناوی بەرێوەبەرە گشتیەكانی كۆمسیۆن پەسەندبكات كە لەلایەن ئەنجومەنی كۆمسیاران هەڵبژێردراون.
پێنجەم: نەتەوەیەكگرتووەكان و رێكخراوە نێودەولەتیەكانی تری بواری هەڵبژاردن هاوكاری تایبەت و پشتیوانی پێشكەشبكەن بۆ ئەنجامدانی هەڵبژاردن و چاودێری بكەن بۆ ئەوەی دەرخەری ئیرادەی خەلكی عێراق بێت.