ستاندەر
بڕیارە لە رۆژانی داهاتوو یەكەم پرۆژەی راكێشانی هێلی ئاسنینی نێوان عێراق و توركیا دەست بەكارەكانی بكات كە موسڵ بە وڵاتی توركیا دەبەستێتەوە.
نەجم جبوری، پارێزگاری نەینەوا لەمبارەیەوە بە ڕۆژنامەى سەباحی نزیك لە حكومەتی عێراقی وتووە، تیمەکانی ئەندازیاری و تەكنیكی تایبەتمەند بە هاوکاری کۆمپانیاکانی تورکیا لە چەند ڕۆژی داهاتوودا دەست بە پڕۆژەکە دەکەن لەپێناو ئاسانکردنی هاتوچۆ و کەمکردنەوەى قەرەباڵغی ڕێگاکە.
ناوبراو راشیگەیاندووە “ئەوە یەکەمین هەوڵی گەورەى ئاڵوگۆڕی ئابوری و وەبەرهێنانە لەنێوان شاری موسڵی ناوەندی پارێزگای نەینەوا و کۆماری تورکیادا.”