ستاندەر
وتەبێژی وەزارەتی دەرەوەی عێراق رایدەگەیەنێت ئەمریكا هێشتا بەتەواوی بڕیاری نەداوە باڵوێزخانەكەی بۆ دەرەوەی بەغدا بگوازێتەوە و هیچ وڵاتێكیش ئەو داواكاریەی ئاراستە نەكردوون.
ئەحمەد سەحاف، وتەبێژەی وەزارەتی دەرەوی عێراق لەبارەی دەنگۆی گواستنەوەی باڵوێزخانەی ئەمریكا بۆ هەولێر بە میدیاكانی ڕاگەیاند: ” هەماهەنگییەکی تەواو لە نێوان حکومەتی عێراق و ئیداری ولایەتە یەکگرتووەکانی ئەمریکادا هەیە لەبارەی بڕیاری سەرەتایی ئەو وڵاتە بۆ گواستنەوەی باڵیوخانەکەی بۆ شاری هەولێر”.
وتیشی: “عێراق تەنها بڕیاری سەرەتایی ئیدارەی ئەمریكای بۆ کشانەوەی باڵیۆزخانەکەی بۆ هەولێر پێگەیشتووە و هیچ وڵاتێک تائێستا داوای پێشکەش بە حکومەتی عێراق نەکردووە لە بارەی گواستنەوەی باڵیۆزخانە و نێردە دبلۆماسییەکەی بۆ دەرەوی بەغدادی پایتەخت”.