چەتەکان و یاغنیشەکان..!!

لەلایەن ستاندار Posted on 304 جار بینراوە

دلشاد مەجید

ھەر باندێکی دزی و چەتەگەری و مافیایی و مورتەزەقە.. بەشێوەیەک لەشێوەکان خاوەنی  سیستەمێکی  ئیداری و بەرێوەبردن و دارایی و بەرگری تایبەت  بەخۆی ھەیە.. ئەویش بۆ درێژەدان بەژیانی باندەکە  و بەردەوام بوونی..
بۆ مانەوە لەسەرپێ و تۆکمە بوونی  تەنیا کەسە دلسۆزەکانی باندەکە لەھەیکەلی ئیداری و بەرێوەبردنی باندەکە جێگایان دەبێتەوە.. !!

لەھەرێمیش باندەکانی دزی و چەتەگەری.. دەزگایەکی بەرێوەبردنیان مەیسەر کردووە بەناوی حکومەت.. بۆ بەشەرعیکردنی دزی و ڕاوووتی  باندەکە .. پێویستیان بە دەزگایەک ھەیە کە ھەر شتێک  ناشەرعی و ناقانوونی و نامعقولە بێ.. بۆیان بکاتە شەرعی و قانونی و معقول.. ئەویش ئەو شوێنەیە کە پێی دەڵێن پەرلەمان…

ھەرکەسێکیش ووتی ئەم کارە ناسایایی و ناشەرعیە لەڕێگای دادگای چەتەکان، بەناوی خیانەتی عوزما و دژی بەرژەوەندی ووڵات و نیشتمان .. دەمکوت بکرێ و زیندانی بکرێ ..!!

ئەگەر پەرلەمانی چەتەکان و   و دادگای چەتەکان  نەبێ ، کێ دەتوانێ و کێ شەرعیەت دەدات.. کەلەماوەی ١٠ مانگ  ملیارێک و نیوی تری دۆلار  بدزرێ .. بیکەنە قەرز لەسەر خەلک.. !!

بۆیە باسکردن و رەخنەگرتن و چاککردنی سیستەمی حکومەت و بەرێوەبردن وەھمێکە .. تەنیا یاغنیشەکان   خەونی پێوە دەبینن..

ئەوانەشی مێشکیان بردووین بەناوی چاکسازی و حکومەتی خەلک و حکومەتی حزمەتگوزاری، کەسانی یاغنیش و نەخوێندەوار و کاسبن..  کاسبیەکەیان بۆئەوەیە کە جێگایان ببێتەوە و بەشیان ھەبێت لەناو ئیدارەو بەرێوەبردنی چەتە و دزەکان..!!

کاتێ تۆ ٣٠ ساڵە بۆت دەرنەکەوێ کە ئەمەی ھەیە نەحکومەتە و نەسیستەمی بەرێوەبردنی خەڵکە.. ؟؟ دڵنیابە ٣٠ ساڵی تر  ئەم ئاسنە ساردە دەکوتیتەوە و تێناگەیت بۆ ئەم دەسەڵاتی چەتەییە نابێ بەحکومەت.. ؟؟دڵنیاشبە تا ٣٠ ساڵی تر نەجێگات دەکەنەوە نەبەشیشت دەدەن و نەشەریکیشت دەکەن لەو دەسەڵاتە..!!

باسکردن و تەدویلکردنی ئەم شێوازی بەرێوەبردنەی باندەکان بەناوی حکومەت و پەرلەمان و دادگا.. شەرعیەتدان و بەشەرعیکردنی  حکومی چەتەو باندەکانە..

بۆیە من ھەرگیز قسە لەسەر حکومەت و  پەرلەمان و ئەم ئیدارەیە ناکەم.. لەبەرئەوەی من یاغنیشن  نیم..!!

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.