وردەكاری كوشتنی بەرپرسی پاسەوانەكانی بەرێوەبەرێكی گشتی لە وەزارەتی پێشمەرگە

لەلایەن ستاندار Posted on 287 جار بینراوە

ستاندەر

بەگوێرەی زانیاریەكانی درەنگانی شەوی رابردوو بەرپرسی پاسەوانەكانی بەرێوەبەرێكی گشتی وەزارەتی پێشمەرگە بەر دەستدرێژی گوللە دەدرێت و دەكوژرێت.

بەگوێرەی ئەو زانیاریانەی كە ئێس ئێن ئێن بڵاویكردۆتەوە درەنگانێکی شەوی ڕابردوو، لەسەر ڕێگای هەریر ـ شەقڵاوە، دیلمان عەبدوڵا فەرج، بەرپرسی پاسەوانان و شۆفێری تایبەتی لیوا بابەکر فەقێ ئەحمەد، بەڕێوەبەری گشتیی ڕاگەیاندن و هۆشیاری نیشتمانیی سەر بە وەزارەتی پێشمەرگە، کە لەهەمانکاتدا زاوایەتی، لەدوای ئەوەی تووشی ڕووداوێکی هاتووچۆ دەبێت لەگەڵ شۆفێرێکی دیکەدا، دەدرێته بەر دەستڕێژی گوللـه و دەکوژرێت.

بەگوێرەی زانیاریەكان بكوژەكە تا ئێستا دەستگیرنەكراوە بۆ شوێنێكی نادیار هەڵاتوە،

هاوكات کاروان کەریم خان، بەڕێوەبەری ناحیەی هەریری بۆ روداو هەوالەكەی پشت راستكردۆتەوە و رایگەیاندووە، “گەنجەکە ناوی دیلمان عەبدوڵڵایە و بە دەستڕێژی گولـلە کوژراوە و پێشمەرگەش بووە.”
بەڕێوەبەری ناحیەی هەریر ئاماژەی بەوەکردووە، ئۆتۆمبێلی کوژراوەکە وەرگەڕاوە، دیارنییە ئایا پێش وەرگەڕان تەقەی لێکراوە، یان بەهۆی رووداوەکەوە دەمەقاڵێ دروستبووە و کوژراوە.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.